བྱང་ཤར་ཁུལ་གྱི་བདེན་པའི་མེ་ལྕེ་གྷ་ཝ་ཧཱ་ཊིར་འབྱོར་འདུག
ཕྱི་ལོ་ ༢༠༡༢ ཟླ་ ༧ ཚེས་ ༡༦ ཤིས་ལོངས་ས་གནས་འགོ་འཛིན་ལགས་ཀྱིས་གནས་ཚུལ་བཏང་གནས་སུ། ཤིས་ལོངས་ས་གནས་སུ་བདེན་པའི་མེ་ལྕེ་སྐོར་བསྐྱོད་ཀྱི་ལས་འགུལ་ཡོངས་སུ་གྲུབ་ནས་གྷ་ཝ་ཧཱ་ཊིའི་གྲོང་འཁྱེར་དུ་འབྱོར་ཡོད་པ་དང་། སྐབས་དེར་རྡི་མ་སྤུར་རང་བདེན་ཚོགས་ཆུང་གི་འཐུས་མི་ཁག་གཅིག་བཅས་ས་གནས་དེར་ཕེབས་ནས། བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ Rubam Burua དབུ་བཞུགས་ཐོག་འབྲེལ་ཡོད་རྒྱབ་སྐྱོར་བ་ཚོ་མཉམ་འཛོམས་ཀྱིས། ས་གནས་དེའི་གསར་འགོད་པ་ཚོར་བདེན་པའི་མེ་ལྕེ་སྐོར་བསྐྱོད་གནང་དགོས་པའི་དམིགས་ཡུལ་དང་དགོས་པ། ད་ལྟའི་བོད་ནང་གི་གནས་སྟངས་བཅས་ཀྱི་ཐད་ལ་གསར་འགོད་གསལ་བསྒྲགས་གནང་ཡོད་པ་རེད། ཉིན་དེར་ལས་རིམ་གྲུབ་ནས་རྡི་མ་སྤུར་རང་བདེན་གྱི་འཐུས་མི་ཚོའི་འགན་འཁུར་འོག་ནས། བདེན་པའི་མེ་ལྕེ་སྐོར་བསྐྱོད་ཀྱི་ལས་འགུལ་དེ་ད་ལྟའི་སྐབས་རྡི་མ་སྤུར་བོད་མི་འདུས་སྡོད་ཀྱི་ས་གནས་སུ་སླེབས་ཡོད་པ་རེད།
བྱང་ཤར་ཁུལ་གྱི་བདེན་པའི་མེ་ལྕེ་གྷ་ཝ་ཧཱ་ཊིར་འབྱོར་འདུག