མངའ་སྡེའི་གྲོས་ཚོགས་ཀྱི་ཚོགས་གཙོ་སྐུ་ཞབས་བྷི་མན་བྷེ་ནར་ཇི་(Shri Biman Banerjee) མཆོག་དང་བོད་མི་མང་སྤྱི་འཐུས་རྣམ་པ། 

བྱང་ཤར་ཁུལ་དུ་རྒྱ་གར་གཞུང་མང་གཉིས་ལ་བོད་དོན་ཞུ་གཏུག་ལས་འགུལ་ཚོགས་ཆུང་གི་ཚོགས་མི་སྤྱི་འཐུས་རྣམས་ཕྱི་ལོ་ ༢༠༡༣ ཟླ་ ༡ ཚེས་ ༦ ནས་དགུའི་བར། ནུབ་བྷེང་གྷལ་མངའ་སྡེའི་སྲིད་སྐྱོང་དང། བློན་ཆེན།  མངའ་སྡེའི་གྲོས་ཚོགས་ཀྱི་འཐུས་མི་སོགས་དང་མཇལ་འཕྲད་གནང་ཡོད་པ་དང། ཕྱི་ཚེས་ ༡༠ ཉིན་མངའ་སྡེའི་གྲོས་ཚོགས་ཀྱི་ཚོགས་ཚོགས་གཙོ་དང།
མངའ་སྡེའི་བློན་ཆེན་དང་གྲོས་ཚོགས་ཀྱི་འཐུས་མི་སོགས་ལ་མཇལ་འཕྲད།

མངའ་སྡེའི་གཞུང་འཛིན་ཚོགས་པའི་མགྲིན་ཚབ་པ་དང་གྲོས་ཚོགས་གོང་མའི་ཚོགས་མི་སྐུ་ཞབས་ཌི་རེཀ་ཨོ་བྷི་རེ་ཡན་(Shri-Derek O Brien) མཆོག་དང་མཇལ་འཕྲད་སྐབས།
དེ་ཡང་ཕྱི་ཟླ་ ༡ ཚེས་ ༡༠ ཉིན་གྱི་ཉིན་གུང་ཆུ་ཚོད་ ༡༢ དང་སྐར་མ་ ༥༠ ཐོག་མངའ་སྡེའི་གྲོས་ཚོགས་ཀྱི་ཚོགས་གཙོ་སྐུ་ཞབས་བྷི་མན་བྷེ་ནར་ཇི་(Shri Biman Banerjee) མཆོག་དང་ཁོང་གི་ཡིག་ཚང་མཇལ་འཕྲད་ཀྱིས་བོད་ནང་གི་ཛ་དྲག་གི་གནས་སྟངས་ངོ་སྤྲོད་དང་འབྲེལ་བོད་དོན་རྒྱབ་སྐྱོར་ཡོང་བའི་འབོད་སྐུལ་ཞུས་པར།  ཁོང་གིས་བོད་དོན་ལ་ཐུགས་སྣང་ཆེན་པོ་གནང་ནས་རྒྱབ་སྐྱོར་གནང་རྒྱུའི་ཞལ་བཞེས་གནང་བ་མ་ཟད།  དུས་རྒྱུན་བཙན་བྱོལ་དུ་ཡོད་པའི་བོད་མི་མང་སྤྱི་འཐུས་ལྷན་ཚོགས་ཀྱི་འགྲོ་སྟངས་དང།  ལས་དོན་བྱེད་ཕྱོགས་སོགས་བཀའ་འདྲི་དང་ངོ་སྤྲོད་ཞིབ་ཕྲ་ཞུ་རྒྱུའི་གོ་སྐབས་བྱུང་ཡོད་པ་རེད།

གདུང་སེམས་མཉམ་སྐྱེད་ཀྱི་མར་མེའི་ཁྲོམ་སྐོར་གྱི་ལས་འགུལ་
དེ་བཞིན་ཉིན་འདིར་མངའ་སྡེའི་ཟས་རིགས་བློན་ཆེན་སྐུ་ཞབས་ཇཱོ་ཏི་པི་རི་ཡ་མོ་ལིཀ(Shri Jyoti Pria Mollick) དང།  མཇལ་འཕྲད་ཀྱིས་བོད་དོན་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་ཞུས་པར་ཐུགས་སྣང་ཆེན་པོའི་ཐོག་ནས་གསན་འཇོག་གནང་བ་མ་ཟད།  རྒྱབ་སྐྱོར་གནང་རྒྱུའི་ཞལ་བཞེས་ཀྱང་གནང།  མངའ་སྡེའི་ན་གཞོན་བློན་ཆེན་སྐུ་ཞབས་ཨ་རོབ་བྷི་སི་ཝ་སི་(Shri Aroop  Biswas)མཆོག་དང་ཁོང་གི་ཡིག་ཚང་དུ་མཇལ་འཕྲད་ཀྱིས་བོད་དོན་སྐོར་རྒྱབ་སྐྱོར་གནང་རྒྱུའི་ཞུ་སྐུལ་ཡིག་ངག་གཉིས་ཐོག་ནས་ཞུས་པར།  ཁོང་གིས་ཀྱང་བོད་དོན་སྐོར་ལ་ཐུགས་སྣང་ཆེན་པོ་དང་སྦྲགས་རྒྱབ་སྐྱོར་གནང་རྒྱུའི་ཞལ་བཞེས་གནང་བ་ཟད།   བོད་དོན་སྐོར་ལ་དྲི་བ་གང་མང་གནང་བར་ལན་འདེབས་ཞིབ་ཕྲ་ཞུ་རྒྱུའི་གོ་སྐབས་བྱུང།

མངའ་སྡེའི་ན་གཞོན་བློན་ཆེན་སྐུ་ཞབས་ཨ་རོབ་བྷི་སི་ཝ་སི་(Shri Aroop Biswas)མཆོག་དང་བོད་མི་མང་སྤྱི་འཐུས་རྣམ་པ།

གཞན་ཡང་ཉིན་འདིར་མངའ་སྡེའི་ཕྱོགས་འགལ་དམར་ཤོག་ཚོགས་པའི་(CPIM)འཐུས་མི་སྐུ་ཞབས་ཨན་སུར་རེཧ་མན་(Shri Ansur Rehman) སྤྱི་ཚོགས་མང་གཙོ་ཚོགས་པའི་(DSP)མངའ་སྡེའི་གྲོས་ཚོགས་འཐུས་མི་པྲ་མོད་ཅནྡྲ་སིནྷ་(Shri Pramod Chandra Sinha) ལགས་དང་མཇལ་འཕྲད་ཀྱིས་བོད་དོན་རྒྱབ་སྐྱོར་ཡོང་བའི་ཞུ་སྐུལ་ཞུས་པར་ཐུགས་སྣང་ཆེན་པོའི་རྒྱབ་སྐྱོར་གནང་རྒྱུའི་ཞལ་བཞེས་ཐོབ།  མངའ་སྡེའི་སྤྱི་ཁྱབ་ཆེན་བློན་ཆེན་མཆོག་མཛད་བྲེལ་སྣེ་མང་ལ་བརྟེན། མཇལ་འཕྲད་ཞུ་རྒྱུའི་གོ་སྐབས་མ་བྱུང་ཡང།  སྤྱི་ཁྱབ་བློན་ཆེན་ལས་ཁུངས་ཀྱི་དམིགས་བསལ་འགན་བཞེས་  པ་སྐུ་ཞབས་ཨ་ཤོཀ་སུ་བྲ་མ་ནྱིམ་(Mr. Ashok Subramaniam) ལགས་དང་ཡིག་ཚང་དུ་ཐུག་འཕྲད་ཀྱིས།   སྤྱི་ཁྱབ་བློན་ཆེན་མཆོག་ལ་བོད་ནང་གི་ཛ་དྲག་གནས་སྟངས་དང་རྒྱབ་སྐྱོར་གནང་སྐྱོང་ཡོང་བའི་སྙན་ཞུ་ཡིག་ཐོག་ནས་འབུལ་ལམ་ཞུས།  ཕྱི་ཚེས་ ༡༡ ཉིན་གྱི་ཕྱི་དྲོ་ཆུ་ཚོད་ ༤ པ་ནས་ ༦ པའི་བར་མོན་གྷལ་གྷ་ལི་རི་ཚོགས་ཁང་དུ་བོད་ནང་གི་ཛ་དྲག་གི་གནས་སྟངས་དང་འབྲེལ་བའི་གསར་འགོད་གསལ་བསྒྲགས་ཤིག་སྤེལ་བ་དང།  སྐབས་དེར་རྒྱལ་ཡོངས་གསར་ཤོག་(Times of India,The Hindu,The Statesman,Hindustan Times,PTI.ANI.)གསར་འགོད་པ་གཙོ་བོར་གྱུར་པའི་གྲངས་ ༢༥ ཙམ་ཕེབས་ཡོད་པ་དང།  བོད་ནང་གི་ཛ་དྲག་གནས་སྟངས་སྐོར་ལ་དྲི་བ་དྲིས་ལན་སོགས་ཀྱི་གོ་སྐབས་བྱུང་ཡོད་པ་རེད།  གསར་འགོད་གསལ་བསྒྲགས་ཟིན་པའི་རྗེས་སུ་གསར་འགོད་པ་ཚོར་ཕྱི་དྲིས་ལས་ཁུངས་ནས་ཕྱོགས་བསྒྲིགས་གནང་བའི་ཆུ་ཚོད་ཕྱེད་ཀའི་བརྙན་འཕྲིན་གཟིགས་འབུལ་ཞུས།  དེའི་རྗེས་ས་གནས་ཀྱི་བོད་མི་གནས་སྡོད་བྱེད་མཁན་དང། བོད་རིགས་སུད་ཚོང་བ།  བོད་རིགས་ཁ་ཆེ་བ་དང། སློབ་མ་སོགས་བོད་རིགས་དང་ཡུལ་མི་བཅས་མི་གྲངས་ ༢༠༠  ལྷག་ཙམ་གྱིས་ཝི་ལིང་ཀྲོན་སི་ཀོ་འེར་ནས་པྲེ་སེ་ཀོ་ལོབ་བར་ལེ་དབར་གསུམ་ཙམ་དུ་གདུང་སེམས་མཉམ་སྐྱེད་ཀྱི་མར་མེའི་ཁྲོམ་སྐོར་གྱི་ལས་འགུལ་ཞིག་ཀྱང་སྤེལ་ཡོད་པ་དང་མཇུག་བསྡོམས་སུ་སྤྱི་འཐུས་རྣམ་པས་གཏམ་བཤད་གནང་སྟེ་ནུབ་བྷེང་གྷལ་མངའ་སྡེའི་ནང་གི་ལས་འགུལ་མཇུག་བསྡོམས་གནང་ཡོད་པ་རེད།  དེའི་རྗེས་མངའ་སྡེའི་གཞུང་འཛིན་ཚོགས་པའི་མགྲིན་ཚབ་པ་དང་གྲོས་ཚོགས་གོང་མའི་ཚོགས་མི་སྐུ་ཞབས་ཌི་རེཀ་ཨོ་བྷི་རེ་ཡན་(Shri-Derek O Brien) མཆོག་དང་མཇལ་འཕྲད་ཀྱིས་བོད་དོན་ཞུ་སྐུལ་ཞུས་ཡོད་པ་རེད།  སྐབས་འདིར་འདིར་སྤྱི་ཁྱབ་བློན་ཆེན་གཙོ་བོར་གྱུར་པའི་མངའ་སྡེའི་གྲོས་ཚོགས་འཐུས་མི་ ༢༩༦ ཡོད་པའི་ནང་ནས་དངོས་སུ་མཇལ་འཕྲད་བྱུང་བ་རྣམས་ལ་ཡིག་ངག་གཉིས་ཐོག་ནས་བོད་ནང་གི་དྲག་གནས་སྟངས་དང་ངོ་སྤྲོད་དང་རྒྱབ་སྐྱོར་ཡོང་བའི་འབོད་སྐུལ་ཞུས་པ་དང།  དངོས་སུ་མཇལ་འཕྲད་ཀྱི་གོ་སྐབས་མ་བྱུང་བ་རྣམས་ལ་རེ་རེ་བཞིན་སྦྲག་བརྒྱུད་མཚན་འཁོད་སྙན་ཞུ་དང་མཉམ་དུ་རང་ལུས་མེར་སྲེག་བཏང་བའི་ཡིག་ཆ་བཅས་འབུལ་ལམ་ཞུས་ཡོད་པ་རེད།

མངའ་སྡེའི་གྲོས་ཚོགས་འཐུས་མི་པྲ་མོད་ཅནྡྲ་སིནྷ་(Shri Pramod Chandra Sinha) ལགས་དང་བོད་མི་མང་སྤྱི་འཐུས་རྣམ་པ།
བོད་མི་མང་སྤྱི་འཐུས་ལྷན་ཚོགས་ཀྱི་འཐུས་མི་རྣམས་ཚོགས་ཆུང་གསུམ་དུ་ཁག་བགོས་བྱས་ནས་རྒྱ་གར་ལྷོ་ཕྱོགས་དང།
བྱང་ཤར།  བྱང་ཕྱོགས་བཅས་སུ་སྤྱི་འཐུས་ཀྱི་ཚོགས་ཆུང་གསུམ་གྱིས་སྣེ་ཁྲིད་ནས་བོད་དོན་ཞུ་གཏུག་གིས་རྒྱབ་སྐྱོར་འཚོལ་བའི་ལས་འགུལ་ཞིག་རྒྱ་གར་ཡོངས་སུ་ཕྱི་ཟླ་དང་པོ་ནས་འགོ་འཛུགས་བྱས་ཡོད་པ་དང།  བྱང་ཤར་ཁུལ་གྱི་ཞུ་གཏུག་ལས་འགུལ་གྱི་སྣེ་ཁྲིད་ཚོགས་ཆུང་གི་ཚོགས་གཙོ་སྤྱི་འཐུས་པདྨ་འབྱུང་གནས་ལགས་དང།   དེ་བཞིན་སྤྱི་འཐུས་གསེར་རྟ་ཚུལ་ཁྲིམས་ལགས། སྤྱི་འཐུས་ཟླ་སྒྲོན་ཤར་གླིང་ལགས།  སྤྱི་འཐུས་དབྱངས་ཅན་སྒྲོལ་དཀར་ལགས་བཅས་ཕྱི་ལོ་ ༢༠༡༣ ཟླ་ ༡ ཚེས་ ༦ ཉིན་ནུབ་བྷེང་གྷལ་མངའ་སྡེའི་རྒྱལ་ས་ཀོལ་ཀ་ཏ་རུ་འབྱོར་ནས་ཞུ་གཏུག་གི་ལས་འགུལ་འགོ་འཛུགས་བྱས་ཡོད་པ་དང།  དེ་རིང་ཕྱི་ཚེས་༩ བར་ནུབ་བྷེང་གྷལ་མངའ་སྡེའི་སྲིད་སྐྱོང་ཨེམ་ཀེ་ནཱ་ར་ཡ་ནན།  (Shri M.K Narayanan)མཆོག་དང་ཁོང་གི་ཡིག་ཚང་གི་སྐུ་མགྲོན་ཐུག་འཕྲད་ཁང་དུ་མཇལ་འཕྲད་དང།
རྒྱ་གར་དབུས་གཞུང་གི་གྲོང་ཁྱེར་ཡར་རྒྱས་བློན་ཆེན་ལྕམ་སྐུ་དྷི་པ་དྷ་སི་མོན་ཤི་(Smt Deepa Das Munshi)མཆོག་དང། རྒྱ་གར་དབུས་ཀྱི་གྲོས་ཚོགས་གོང་མའི་འཐུས་མི་དང།  མངའ་སྡེའི་ཀོང་རེ་སི་ཚོགས་པའི་ཚོགས་གཙོ་གཅིག་ལྕོགས་སྐུ་ཞབས་པར་དིབ་བྷར་ཊ་ཅ་རི་ཡ་(Pradip Bhattachariya)མཆོག   ནུབ་བྷེང་གྷལ་མངའ་སྡེའི་འཆར་འགོད་བློན་ཆེན་སྐུ་ཞབས་རཅ་པཱལ་སིངྒ་(Shri.Rachhpal Singh)མཆོག  དེ་བཞིན་ནུབ་བྷེང་གྷལ་མངའ་སྡེ་དེའི་གྲོས་ཚོགས་འཐུས་མི་འབུམ་རམས་པ་ར་མེན་དྷ་ར་ནཱ་ཐཱ་བི་ཤི་ཝ་ཤ་(Dr.Ramendranath Biswas)ལགས་དང། སྐུ་ཞབས་ས་མ་རིཤ་དཱས་(Samares Das) དང།    སྐུ་ཞབས་ཨ་བྷོ་ནི་ཇོར་རྡར་(shri.Aboni Joardar) ལགས།  སྐུ་ཞབས་སུག་བི་ལན་བར་མ་(shri.Sukhbilan Barma ལགས་བཅས་དང་མཇལ་འཕྲད་གནང།   མངའ་སྡེའི་གཞུང་འཛིན་རྒྱ་གར་རྒྱལ་ཡོངས་ཏྲི་མུལ་ཀོང་རེ་སི་ཚོགས་ཚོགས་པའི་སྤྱི་ཁྱབ་ཡིག་ཚང་དུ་ཆེད་བཅར་གྱིས་་ཚོགས་པ་དེའི་སྤྱི་ཁྱབ་ཚོགས་གཞོན་སྐུ་ཞབས་བྷ་ནི་སིངྒ་རོ་ཝེ་(shri.Bani Singh Roy)ལགས་དང།   མངའ་སྡེ་དེའི་ནང་གི་གོང་རེ་སི་ཚོགས་པའི་སྤྱི་ཁྱབ་ཡིག་ཚང་དུ་བཅར་ནས་ཚོགས་པ་དེའི་ཚོགས་གཙོ་པར་དིབ་བྷར་ཊ་ཅ་རི་ཡ་སོགས་འབྲེལ་ཡོད་དབུ་ཁྲིད་རྣམས་དང་ཐུག་འཕྲད་ཀྱིས་བོད་ནང་གི་ཛ་དྲག་གནས་སྟངས་དང་འབྲེལ་བའི་ཐོག་ནས་བོད་དོན་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་སོགས་ཞུས་ཡོད་པ་དང།  འབྲེལ་ཡོད་སོ་སོས་དེ་ལུགས་རྒྱབ་སྐྱོར་གནང་རྒྱུའི་ཞལ་བཞེས་ཀྱང་གནང་ཡོད་པ་རེད།   མངའ་སྡེ་འདིའི་ནང་གི་ལས་འགུལ་གྲུབ་མཚམས་ལ་ཨོ་རི་ས་མངའ་སྡེ་དང།   ཆ་ཏིཤ་གར་མངའ་སྡེ།   ཇར་ཁནྡ་མངའ་བཅས་ལ་ཞུ་གཏུག་ཏུ་བཅར་རྒྱུ་རེད་འདུག་པ་བཅས་ཀྱི་གསར་གནས་སུ།