༄༅། ། རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་ཧྥིན་ལན་ཌི་གཞུང་ཚབ་ཁང་དུ་ཧྥིན་ལན་ཌི་རྒྱལ་ཁབ་དབུ་བརྙེས་པའི་ཉིན་མོ་སྲུང་བརྩིའི་སླད། ཕྱི་ལོ་ ༢༠༢༢ ཟླ་ ༡༢ ཚེས་ ༡ ཉིན་གྱི་དགོང་མོ་ལས་རིམ་ཞིག་གོ་སྒྲིག་ཞུས་པའི་ཐོག ཧྥིན་ལན་ཌི་གཞུང་ཚབ་ཆེན་མོ་ལྕན་སྐུ་རི་ཊི་ཝ་ ཀའོ་ཀུ་ རོན་ཌི་ (Ritva Koukku-Ronde) མཆོག་དང་། སྐུ་ཞབས་ཧི་ཌེ་ རོན་ཌི་ (Dr. Hidde Ronde) མཆོག་རྣམ་གཉིས་ཀྱིས་དཔལ་ལྡན་བོད་མི་མང་སྤྱི་འཐུས་ཚོགས་གཞོན་སྒྲོལ་མ་ཚེ་རིང་མཆོག་གདན་ཞུས་ལྟར་གཞུང་འབྲེལ་ཕྱོགས་ཕེབས་གནང་གཏན་ཁེལ་ཡོད།
དེ་ཡང་དཔལ་ལྡན་ཚོགས་གཞོན་མཆོག་ཕྱི་ཟླ་ ༡༢ ཚེས་ ༡ ཉིན་སྔ་དྲོ་བཞུགས་སྒར་རྡ་ས་ནས་ལྡི་ལིར་ཕེབས་ཐོན་གནང་སྟེ་ས་གནས་སུ་འབྱོར་མཚམས། ལས་རིམ་ཁག་བསྐྱང་རྒྱུ་དང་། ཕྱི་ཚེས་ ༢ ཉིན་ལྡི་ལི་ནས་བཞུགས་སྒར་རྡ་སར་ཕྱིར་ཕེབས་གནང་རྒྱུ་ཡིན་པ་བཅས། །