དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཆོག་སི་པན་དུ་གཞུང་འབྲེལ་ཕྱོགས་ཕེབས་གནང་གཏན་འཁེལ་བ།

༄༅། ། དཔལ་ལྡན་བོད་མི་མང་སྤྱི་འཐུས་ཚོགས་གཙོ་པདྨ་འབྱུང་གནས་མཆོག་ཕྱི་ལོ་ ༢༠༡༩ ཟླ་ ༡༡ ཚེས་ ༡༦ ནས་ ༡༨ བར་ཡུ་རོབ་སི་པན་རྒྱལ་ཁབ་ཀྱི་གྲོང་ཁྱེར་བྷར་སི་ལོ་ནར་ (Barcelona) རྟེན་གཞི་བྱས་པའི་སི་པན་བོད་ཁང་ (Tibet House, Spain) བཙུགས་ནས་མི་ལོ་ ༢༥ འཁོར་བའི་རྟེན་འབྲེལ་མཛད་སྒོའི་ཐོག་སྐུ་མགྲོན་གཙོ་བོར་གདན་ཞུས་ལྟར་ཆེད་ཕེབས་གནང་གཏན་འཁེལ་ཡོད།

དེ་ཡང་དཔལ་ལྡན་ཚོགས་གཙོ་མཆོག་ཕྱི་ཚེས་ ༡༣ ཉིན་གྱི་ཕྱི་དྲོ་བཞུགས་སྒར་རྡ་ས་ནས་རྒྱལ་ས་ལྡི་ལིར་ཕེབས་ཐོན་གནང་རྒྱུ་དང་། ཕྱི་ཚེས་ ༡༤ ཉིན་གྱི་ཕྱི་དྲོ་མགྲོན་ཁང་ནས་ལྡི་ལི་གནམ་ཐང་དུ་ཕེབས་ཏེ། ཕྱི་ཚེས་ ༡༥ ཉིན་གྱི་ཐོ་རངས་གནམ་ཐང་ནས་སི་པན་གྲོང་ཁྱེར་བྷར་སི་ལོ་ནར་ཕེབས་ཐོན་གནང་རྒྱུ། ཕྱི་ཚེས་ ༡༦ ནས་ ༡༨ བར་ས་གནས་སུ་མཛད་འཆར། ཕྱི་ཚེས་ ༢༥ ཉིན་ལྡི་ལིར་ཕྱིར་ཕེབས་གནང་རྒྱུ་ཡིན་པ་བཅས། །