ཨ་རུ་ན་ཅཱལ་མངའ་སྡེའི་ཞུ་གཏུག་ལས་འགུལ་དེར་སྤྱི་ཁྱབ་བློན་ཆེན་དང་སྲིད་དོན་ཚོགས་པ་ཁག་གི་དབུ་ཁྲིད་ཚོས་བོད་དོན་ཐོག་མཐའ་གཅིག་ཏུ་རྒྱབ་སྐྱོར་གནང་རྒྱུ་ཡིན་པའི་ཞལ་བཞེས་གནང་འདུག དེ་ཡང་བོད་མི་མང་སྤྱི་འཐུས་ལྷན་ཚོགས་ཀྱི་བྱང་ཤར་ཁུལ་གྱི་ཞུ་གཏུག་ལས་འགུལ་གྱི་མངའ་སྡེ་བདུན་པ་ཨ་རུ་ན་ཅལ་མངའ་སྡེའི་རྒྱལ་ས་ཨི་ཀྲ་ན་སྒར་དུ་གསར་འགོད་ལྷན་ཚོགས་གནང་བ་དང་། མདོར་ན། ཉིན་ལྔའི་ཞུ་གཏུག་ལས་འགུལ་དེར་མངའ་སྡེའི་སྤྱི་ཁྱབ་བློན་ཆེན་དང་སྲིད་དོན་ཚོགས་པ་ཁག་གི་དབུ་ཁྲིད་ཁག་ནས་བོད་དོན་དཀའ་རྙོག་སེལ་ཐབས་སུ་མངོན་གསལ་དོད་པོའི་རྒྱབ་སྐྱོར་ཤུགས་ཆེ་ཡོང་བའི་འབོད་བསྐུལ་ཞུས་འདུག ཕྱི་ཚེས་ ༢༠  ཉིན་རྒྱ་གར་རྒྱལ་ས་ལྡི་ལིར་རྒྱ་གར་གྱི་སྲིད་བློན་མན་མོ་ཧན་སིངྒ་དང་།རྒྱ་དམར་གྱི་སྲིད་བློན་ལི་ཁེ་ཆང་དབར་བཀའ་མོལ་གནང་བའི་སྐབས་ཨ་རུ་ན་ཅལ་མངའ་སྡེའི་རྒྱལ་ས་ཨི་ཀྲ་ན་སྒར་དུ་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་གསུམ་མངའ་སྡེ་དེའི་སྤྱི་ཁྱབ་བློན་ཆེན་སྐུ་ཞབས་ན་བམ་ཏུ་ཀུ་

( Shri Nabam Tuku) མཆོག་གི་གཟིམ་ཤག་ཏུ་མཇལ་འཕྲད་ཞུས་འདུག   ཁོང་ནས་བོད་ནང་གི་བོད་མི་ཚོའི་སེམས་ཤུགས་ལ་གདུང་སེམས་མཉམ་སྐྱེད་ཡོད་པ་དང། བོད་ནི་མངའ་སྡེ་དེའི་སྤྱི་ཚོགས་དང་རིག་གཞུང་གང་ཐད་ནས་འབྲེལ་བ་ཤུགས་ཆེ་ཡོད་པ་དང། བཙན་བྱོལ་བོད་མིའི་སྒྲིག་འཛུགས་ཀྱིས་བོད་ཀྱི་ཆོས་རིག་མུ་མཐུད་སྲུང་སྐྱོབ་གནང་བར་བསྔགས་བརྗོད་ཡོད་སྐོར། རྒྱ་ནག་ནས་རྒྱ་དཀར་ནག་གི་ས་མཚམས་ཟེར་བཞིན་པ་དེ་བཞིན་དོན་དངོས་སུ་བོད་དང་རྒྱ་གར་གཉིས་ཀྱི་ས་མཚམས་ཡིན་སྐོར་སོགས་གསུངས་འདུག

དེ་ནས་སྐུ་ཚབ་ཚོས་མངའ་སྡེའི་སྤྱི་ཁྱབ་བློན་ཆེན་ཟུར་པ་དང། དབུས་གྲོས་ཚོགས་གོང་མའི་འཐུས་མི་ཡིན་ལ་མངའ་སྡེའི་ཀོང་རེ་སི་ཚོགས་གཙོ་སྐུ་ཞབས་མུ་ཀུཊ་མི་ཐི་ ( Shri Mukut Mithi, Rajya Sabha Member of Parliament (Congress), and former Chief Minister, and present president of

Arunachal Pradesh Congress Committee ) མཆོག་མཇལ་འཕྲད་ཞུས་འདུག ཁོང་ནས་གྲོས་ཚོགས་སུ་བོད་དོན་དང་འབྲེལ་བའི་གྲོས་ཆོད་སླེབས་ཚེ་རྒྱབ་སྐྱོར་མཐའ་གཅིག་ཏུ་ཞུ་རྒྱུ་ཡིན་པའི་ཞལ་བཞེས་གནང་འདུག དེ་བཞིན་མངའ་སྡེའི་གྲོས་ཚོགས་འཐུས་མི་ལྷ་ལྕམ་ཀར་ཡ་བྷ་གངྒ་ ( Smt. Karya Bagang ) མཆོག་དང།

པ་སངས་རྡོ་རྗེ་སོ་ན་ ( Shri Passang Dorjee Sona ) བཅས་མཇལ་བའི་སྐབས་སྤྱི་ཚོགས་དང་རིག་གཞུང་གཅིག་གྱུར་ལ་སོང་རྒྱབ་སྐྱོར་གཙང་མ་གནང་ཐུབ་གནས་གསུངས་འདུག

ཨ་རུ་ན་ཅལ་མངའ་སྡེའི་རྒྱལ་ས་ཨི་ཀྲ་ན་སྒར་དུ་གསར་འགོད་ལྷན་ཚོགས་གནང་བ་

བློན་ཆེན་དང་གྲོས་ཚོགས་འཐུས་མི་ ༥༨ མངའ་སྡེའི་ནང་དུ་གྲོང་སྡེ་ལྷན་ཚོགས་དང། གྲོང་གསེབ་སྤྱི་མི་འོས་བསྡུ་དང་སྟབས་འཁེལ་ལ་སོང་མཇལ་འཕྲད་མ་ཐུབ་སྟབས་བོད་དོན་དཀའ་རྙོག་གི་ཞུ་གཏུག་སྙན་ཞུ་སྦྲག་ལམ་བརྒྱུད་ནས་བསྐུར་གནང་འདུག དེ་བཞིན་ཕྱི་ཚེས་ ༢༠ ཉིན་མངའ་སྡེའི་ནང་གི་སྲིད་དོན་ཚོགས་པ་ཁག་བཞིའི་ལྷན་དུ་བོད་དོན་དཀའ་རྙོག་སེལ་ཐབས་སུ་ཆུ་ཚོད་གསུམ་ཙམ་རིང་བགྲོ་གླེང་ཚོགས་འདུ་གནང་འདུག ཚོགས་འདུ་དེའི་ནང་ཆབ་སྲིད་ཚོགས་པ་མཉམ་ཞུགས་གནང་མཁན་ཁག་ནི།
ཀོང་རེ་སི་ཚོགས་པའི་བརྒྱུད་ལམ་སྡེ་ཚན་གྱི་ཚོགས་གཙོ་དང་བློན་ཆེན་ཟུར་པ་སྐུ་ཞབས་ཐུབ་བསྟན་བསྟན་པ་ ( Shri Thupten Temba, former Minister and current Chairman of Media Department, APCC (INC), མཆོག་དང་། བི་ཇེ་པི་ཚོགས་པའི་ཚོགས་གཙོ་སྐུ་ཞབས་ཏ་ཡི་ཏ་ག་ (Shri Tai Taga, State
President,  BJP) མཆོག ཨེན་སི་པི་ཚོགས་པའི་ཚོགས་གཙོ་དང་བློན་ཆེན་ཟུར་པ་སྐུ་ཞབས་ཁ་ཕ་བེན་གི་ཡ་ (Shri Khafa Bengia, former Minister and current President of NCP, མཆོག ས་གནས་ཀྱི་ཚོགས་པ་པི་པོལ་ས་པར་ཀྲི་ཨོབ་ཨ་རུ་ན་ཅལ་ཚོགས་པའི་ཚོགས་གཙོ་སྐུ་ཞབས་ཀ་མིང་རིན་གུ་( Shri Kameng Ringu, President of PPA) མཆོག་དང་ཚོགས་པ་སོ་སོའི་དྲུང་ཆེ་ ( PPA བཅས་ལྷན་བཅར་ཞུས་འདུག

དབུས་གྲོས་ཚོགས་གོང་མའི་འཐུས་མི་ཡིན་ལ་མངའ་སྡེའི་ཀོང་རེ་སི་ཚོགས་གཙོ་སྐུ་ཞབས་མུ་ཀུཊ་མི་ཐི་ ( Shri Mukut Mithi )

ཚོགས་འདུ་དེའི་ནང་གནད་དོན་མང་པོ་ཞིག་བགྲོ་གླེང་གནང་ཞིང། དེའི་ནང་ནས་གནད་འགག་ཅན་ཆུ་དང། ས་མཚམས་བཅས་ཀྱི་ཐོག་བོད་དང་རྒྱ་གར་དང་། དམིགས་བསལ་ཨ་རུ་ན་ཅལ་མངའ་སྡེར་དོ་ཕོག་ཇི་ཡོད། གཙང་པོ་ནི་ཨ་རུ་ན་ཅལ་མང་ཚོགས་ཀྱི་འཚོ་རྟེན་དང་ཐད་ཀར་འབྲེལ་བ་ཡོད་པ་མ་ཟད། མ་འོངས་པར་རྒྱ་གར་གྱི་གློག་ཤུགས་ཡར་རྒྱས་ཀྱི་འཆར་གཞིའི་ཐོག་ལའང་གལ་གནད་ཅན་ཞིག་ཆགས་ཡོད་སྐོར་བཅས་ཀྱི་ཐོག་བཀའ་མོལ་ཞིབ་ལྷུག་གནང་འདུག་པ་མ་ཟད། མངའ་སྡེའི་གྲོས་ཚོགས་སུ་གྲོས་ཆོད་ཡོང་རྒྱུའི་ཆེད་ཚོགས་པ་ཐུན་མོང་གིས་མངའ་སྡེའི་སྤྱི་ཁྱབ་བློན་ཆེན་ལ་ཞུ་སྙན་འབུལ་རྒྱུ་གནང་འདུག་།དེ་བཞིན་ཚོགས་པ་ཚང་མས་བོད་དོན་ཐོག་གཅིག་གྱུར་གྱིས་རྒྱབ་སྐྱོར་ཡོད་གནས་གསུངས་འདུག ཚོགས་འདུ་དེ་ནི་མངའ་སྡེ་དེའི་གསར་དུ་བཙུགས་པའི་དོན་རྒྱབ་སྐྱོར་ཚོགས་པ་ནས་གོ་སྒྲིག་གནང་འདུགཚོགས་པ་དེའི་འགན་ཁུར་བཞེས་མཁན་ཁག་ནི། བློན་ཆེན་ཟུར་པ་སྐུ་ཞབས་ཨ་ནུག་དབང་ས་ ( Mr. Anok Wangsa (former Minister), མཆོག་དང། ཨེན་སི་པི་མངའ་སྡེའི་ཚོགས་གཙོ་ཟུར་པ་སྐུ་ཞབས་ཏ་ཆོ་ཀ་བག་ ( Mr. Tacho Kabak ,former NCP President) མཆོག ཀོང་རེ་སི་ཚོགས་པའི་ཁོངས་སུ་ཡོད་པ་སྐུ་ཞབས་ཀར་པག་སོ་ར་མཆོག་དང། ཉི་མ་སེངྒེ་བཅས་ཡིན་འདུག ( Mr. Karpak Sora (APCC) and Nima Sange APCC ) བྱང་ཤར་ཁུལ་གྱི་ཞུ་གཏུག་ལས་འགུལ་དང་པོ་དེ་བཞིན་ནུབ་བྷེང་གོལ་དང། ཨོ་ཌི་ཤཱ།  ཆ་ཏིས་སྒར།  ཇར་ཁནྜ་བཅས་ཡིན་པ་དང། ཞུ་གཏུག་ཐེངས་གཉིས་པའི་ཚོགས་གཙོ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་ཟུར་པ་དང་སྤྱི་འཐུས་པདྨ་འབྱུང་གནས་མཆོག་དང། སྤྱི་འཐུས་དབྱངས་ཅན་སྒྲོལ་དཀར་མཆོག་ སྤྱི་འཐུས་ཟླ་སྒྲོན་ཤར་གླིང་མཆོག་བཅས་ནས་འབྲས་ལྗོངས་མངའ་སྡེ་དང་།  ཨ་སམ། ཨ་རུ་ན་ཅལ་བཅས་གྲུབ་ནས་མཐའ་མ་དེ་མེ་གྷ་ལ་ཡ་ལ་སྐོར་ཕེབས་གནང་རྒྱུ་རེད་འདུག་།