བོད་མི་མང་སྤྱི་འཐུས་ལྷན་ཁང་ནས་ཕྱི་ལོ་ ༢༠༡༤ ཕྱི་ཟླ་ ༩ ཚེས་ ༢ ཉིན་<<བཙན་བྱོལ་བོད་མིའི་མང་གཙོའི་བྱུང་བ་བརྗོད་པ་>> ཞེས་པའི་དེབ་ཕྲེང་གཉིས་དབུ་འབྱེད་དང་འབྲེལ་འདོན་སྤེལ་གནང་བའི་ནང། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ “རིང་ནས་སྙིང་དུ་བརྣགས་པའི་འདོད་པའི་དོན།” ཞེས་ཇི་སྐད་གསུངས་པ་ལྟར། མགོན་པོ་གང་ཉིད་ཀྱིས་བོད་མིའི་ཆབ་སྲིད་ཀྱི་ལམ་ལུགས་ཡང་དག་པའི་མང་གཙོའི་ལམ་བཟང་ཐོག་ཇི་ལྟརབཀྲི་གནང་མཛད་ཚུལ་དང། བཙན་བྱོལ་བོད་མིའི་མང་གཙོའི་འཕེལ་རིམ་གྱི་ལོ་རྒྱུས་བཅས་གང་ཟག་བྱེ་བྲག་པ་ཞིག་གི་འདོད་ཕྱོགས་ལྟ་བུ་མིན་པ་ཁུངས་ལྡན་ཡིག་ཆ་ཁག་གཞི་རྩར་བཞག་སྟེ། ཕྱོགས་བསྡོམས་སམ་རྩོམ་སྒྲིག་གནང་བ་ཡིན་སྟབས། ལོ་རྒྱུས་ཀྱི་གཞི་འཛིན་ས་ཞིག་ཆགས་ཡོད་པས་ཐུགས་སྣང་ཅན་སྤུས་གཟིགས་གནང་འདོད་ཡོད་རིགས་ལ། དེབ་ཕྲེང་༢ལ་ཁྱོན་བསྡོམས་ཧིན་སྒོར་༢༥༠།༠༠ཐམ་པར་སྤུས་ཚོང་ཞུ་རྒྱུ་ཡོད་པ་དང།སློབ་ཕྲུག་རྣམས་ལ་ད་དུང་བརྒྱ་ཆ་༣༠ཐམ་པ་ཆག་ཡང་གིས་སྤུས་ཚོང་ཞུ་རྒྱུ་ཡོད་པས། གཤམ་གསལ་ཁ་བྱང་ཐོག་འབྲེལ་བ་གནང་རོགས་ཞུ། བོད་མི་མང་སྤྱི་འཐུས་ཚོགས་དྲུང་ལས་ཁུངས་ནས་ཕྱི་ལོ་ ༢༠༡༤ ཟླ་ ༡༡ ཚེས་ ༥ ལ་
ཕུལ།།
To
The Parliament Secretariat
Tibetan Parliament in Exile CTA,
Gangchen Kyisong,
Distt Kangra, Dharamsala,
HP 176215
Email: [email protected]
Phone No: +91 9736233545/ 91 9882185688
