ཨོ་རི་སར་བྱང་ཤར་ཁུལ་གྱི་བོད་མི་མང་སྤྱི་འཐུས་ལྷན་ཚོགས་ཀྱི་ཞུ་གཏུག་ལས་འགུལ་མཇུག་སྡོམ་ཞུས།

 

མངའ་སྡེའི་གཞུང་འཛིན་ཚོགས་པ་དང་ཚོགས་པ་གཞན་ཁག་ནས་དབུས་ཀྱི་གྲོས་ཚོགས་གོང་འོག་གཉིས་སུ་ད་ལྟའི་བོད་ནང་གི་ཛ་དྲག་གནད་དོན་ཐོག་གྲོས་ཆོད་འཇོག་རྒྱུར་རྒྱབ་སྐྱོར་གནང་རྒྱུ་ཡིན་པའི་རྒྱབ་སྐྱོར་གནང་བ།

གྲོས་ཚོགས་གོང་མའི་འཐུས་མི་སྐུ་ཞབས་བྷཡེཤ་ནབ་པ་རི་དཱ་(Baishnap Parida) ལྷན།གྲོས་ཚོགས་གོང་མའི་འཐུས་མི་སྐུ་ཞབས་བྷཡེཤ་ནབ་པ་རི་དཱ་(Baishnap Parida) ལྷན།མངའ་སྡེའི་གྲོས་ཚོགས་འཐུས་མི་དང་གྲོས་ཚོགས་ཀྱི་ཤོག་ཁག་འགོ་ཁྲིད་སྐུ་ཞབས་པྲ་བྷཏ་ཏྲི་པཋི་(Shri.Prabhat Tripathy,MLA,chief whip)ལྷན། མངའ་སྡེའི་གྲོས་ཚོགས་འཐུས་མི་དང་གྲོས་ཚོགས་ཀྱི་ཤོག་ཁག་འགོ་ཁྲིད་སྐུ་ཞབས་པྲ་བྷཏ་ཏྲི་པཋི་(Shri.Prabhat Tripathy,MLA,chief whip)ལྷན། 

ཨོ་རི་སའི་མངའ་སྡེར་ཉིན་ལྔའི་ནང་ནས་ཉིན་མཐའ་མ་གཉིས་རིང་ལ་མངའ་སྡེའི་གཞུང་འཛིན་ཚོགས་པས་རྒྱབ་སྐྱོར་ཡོང་བའི་ལས་འགུལ་བརྩམས་ཤིང་། མངའ་སྡེའི་གྲོས་ཚོགས་འཐུས་མི་དང་གྲོས་ཚོགས་ཀྱི་ཤོག་ཁག་འགོ་ཁྲིད་སྐུ་ཞབས་པྲ་བྷཏ་ཏྲི་པཋི་(Shri.Prabhat Tripathy,MLA,chief whip) ནས་སྣེ་བསུ་གཟབ་རྒྱས་དང་འབྲེལ་ཁོང་གི་ཚོགས་པའི་ངོས་ནས་དེ་འདྲའི་གྲོས་ཆོད་གྲོས་འཆར་ཞིག་སླེབས་པ་ཡིན་ན་ཁོང་རང་ཚོའི་ཚོགས་པའི་ནང་གྲོས་ཚོགས་གོང་འོག་གཉིས་སུ་འཐུས་མི་ ༢༢ ཡོད་པ་ཚང་མས་རྒྱབ་སྐྱོར་གནང་དགོས་པའི་བཀོད་ཁྱབ་ང་ཚོའི་མདུན་དུ་གནང་སོང་། (གྲོས་ཚོགས་འོག་མར་ ༡༦ དང་གོང་མར་ ༦ )

ཚོགས་པ་དེ་གའི་གྲོས་ཚོགས་གོང་མའི་འཐུས་མི་སྐུ་ཞབས་བྷཡེཤ་ནབ་པ་རི་དཱ་(Baishnap Parida) ནས་སྤྱི་ཚོགས་རིང་ལུགས་ཚོགས་པ་(Samajwadi party) ལ་སོགས་ནས་རྒྱབ་སྐྱོར་ཡོང་བའི་ཐབས་ཤེས་བྱ་རྒྱུ་ཡིན་གནས་ཞལ་བཞེས་གནང་བ་དང་། འགྲོ་བ་མིའི་ཐོབ་ཐང་དང་རང་དབང་ལ་དོ་ཕོག་བཏང་ན་འགྲིགས་ཀྱི་མེད་པ་དང་། དེ་སྔ་ཁོང་རང་དམར་ཤོག་ཚོགས་པའི་ནང་དུ་ཡོད་ནའང་བོད་ཀྱི་གནད་དོན་དང་གནད་དོན་གཞན་འགར་བརྟེན་ནས་དམར་ཤོག་ཚོགས་པ་བཞག་ནས་ཚོགས་པ་འདིར་ཞུགས་སྐོར་གསུངས་སོང་།

ཕྱོགས་འགལ་ཚོགས་པ་སྟེ་མངའ་སྡེའི་ཀོང་རེ་སི་ཚོགས་པའི་གྲོས་ཚོགས་འཐུས་མི་དང་གྲོས་ཚོགས་ཀྱི་ཤོག་ཁག་འགོ་ཁྲིད་སྐུ་ཞབས་པྲ་སད་ཧ་རི་ཅནྡ་རན་(shri.Prasad Harichandaran)ལྷནཕྱོགས་འགལ་ཚོགས་པ་སྟེ་མངའ་སྡེའི་ཀོང་རེ་སི་ཚོགས་པའི་གྲོས་ཚོགས་འཐུས་མི་དང་གྲོས་ཚོགས་ཀྱི་ཤོག་ཁག་འགོ་ཁྲིད་སྐུ་ཞབས་པྲ་སད་ཧ་རི་ཅནྡ་རན་(shri.Prasad Harichandaran)ལྷན

ཕྱོགས་འགལ་ཚོགས་པ་སྟེ་མངའ་སྡེའི་ཀོང་རེ་སི་ཚོགས་པའི་གྲོས་ཚོགས་འཐུས་མི་དང་གྲོས་ཚོགས་ཀྱི་ཤོག་ཁག་འགོ་ཁྲིད་སྐུ་ཞབས་པྲ་སད་ཧ་རི་ཅནྡ་རན་(shri.Prasad Harichandaran) ནས་མངའ་སྡེ་དེ་ནས་ཁོང་རང་ཚོའི་ཚོགས་པའི་ནང་དབུས་ཀྱི་གྲོས་ཚོགས་གོང་འོག་ཏུ་འཐུས་མི་བདུན་ཡོད་པས་དེ་དག་ལ་རྒྱབ་སྐྱོར་གནང་དགོས་པའི་བཀོད་ཁྱབ་གཏོང་རྒྱུ་ཡིན་པའི་ཞལ་བཞེས་དང་། (གྲོས་ཚོགས་འོག་མ་ལ་ ༦ དང་གོང་མར་ ༡) ཁོང་གིས་བོད་མིའི་འགོ་ཁྲིད་ཚོར་ལམ་སྟོན་གནང་དོན་དུ། གཞུང་དང་སྒྲིག་འཛུགས་ཁག་ནས་ནུས་པ་དང་ལྡན་པའི་རྒྱབ་སྐྱོར་ཐོབ་ཐབས་སུ་རྒྱལ་སྤྱིའི་ནང་ཐབས་བྱུས་དང་ལྡན་པའི་བོད་དོན་ལས་འགུལ་སྤེལ་དགོས་པ་དང་། ཁྱེད་རང་ཚོ་འཐབ་རྩོད་པ་ཞིག་ཡིན་པའི་ཆ་ནས་རྒྱ་དམར་གཞུང་ནས་བོད་མིར་མང་གཙོའི་ལམ་ལུགས་དང་འགལ་བའི་གདུག་རྩུབ་དང་མནར་གཅོད་ཚད་བྲལ་བཏང་དང་གཏོང་བཞིན་པ་རྣམས་འཛམ་བུ་གླིང་གི་དབུ་ཁྲིད་རྣམས་ལ་མཁྱེན་པར་བཟོས་ཏེ་མཉམ་རུབ་ཀྱི་ནུས་པ་འཐོན་ཐབས་ལ་འབད་དགོས་ཞེས་བཀའ་གནང་།

མངའ་སྡེའི་སྦི་ཇེ་པིའི་ཚོགས་པའི་ཚོགས་གཙོ་བློན་ཆེན་ཟུར་པ་སྐུ་ཞབས་ཇཱོལ་ཨོ་རམ།(Mr.Jual Oram,State BJP President) དང་། ཚོགས་གཙོ་གཞོན་པ་དང་ཚོགས་པའི་མགྲིན་ཚབ་པ་ཨ་ཤོག་ས་ཧུ། (Mr.Ashok Sahu,Vice President & Spokesperson BJP) བཅས་མཇལ་འཕྲད་ཞུས་པའི་སྐབས་ཁོང་རྣམ་གཉིས་ནས་སྦི་ཇེ་པི་ཚོགས་པའི་ངོས་ནས་བོད་དོན་ཐོག་འགྱུར་བ་མེད་པའི་རྒྱབ་སྐྱོར་གནང་ཡོད་པ་དང་རྒྱ་ནག་ལའང་གནོད་ཤུགས་སྤྲད་ཡོད་ཅེས་པ་དང་། མ་འོངས་པར་ཡང་རྒྱལ་སྤྱིའི་གླེང་སྟེགས་དང་རྒྱལ་ནང་བཅས་པར་བོད་དོན་གནས་ཚུལ་བརྒྱུད་བསྒྲགས་དང་རྒྱབ་སྐྱོར་བྱ་རྒྱུ་ཡིན་སྐོར་གསུངས།

 

མངའ་སྡེའི་སྦི་ཇེ་པིའི་ཚོགས་པའི་ཚོགས་གཙོ་བློན་ཆེན་ཟུར་པ་སྐུ་ཞབས་ཇཱོལ་ཨོ་རམ།(Mr.Jual Oram,State BJP President) དང་ལྷན། མངའ་སྡེའི་སྦི་ཇེ་པིའི་ཚོགས་པའི་ཚོགས་གཙོ་བློན་ཆེན་ཟུར་པ་སྐུ་ཞབས་ཇཱོལ་ཨོ་རམ།(Mr.Jual Oram,State BJP President) དང་ལྷན། 

ཉིན་མཐའ་མར་གསར་འགོད་ལྷན་ཚོགས་ཤིག་ཞུས་པར་དེ་ཉིན་ཚོད་དཔག་ལས་ལྷག་པའི་གསར་འགོད་པ་ཕེབས་འདུག་པ་དང་ཐུགས་སྣང་ཇེ་ཆེའི་ཐོག་ནས་བཀའ་འདྲི་མང་དག་གནང་སོང་། མདོ་དོན་ཨོ་རི་སའི་ནང་ཉིན་ལྔའི་ཞུ་གཏུག་ལས་འགུལ་སྐབས་སྲིད་སྐྱོང་གཙོ་བོར་གྱུར་པའི་ཆབ་སྲིད་པ་དང་། གཞུང་ཞབས་པ། ལས་འགུལ་བ། མཁས་དབང་སོགས་སྡེ་ཚན་འདྲ་མིན་ལ་ཞུ་གཏུག་གིས་ལས་འགུལ་མཇུག་སྡོམ་ཞུས་ནས་ཆ་ཏིས་སྒར་གྱི་རྒྱལ་ས་ར་ཡེ་ སྤུར་ལ་ཕྱི་ཚེས་ ༡༧ ཉིན་ཐོན་པའི་གསར་གནས་སུ། སྤྱི་འཐུས་པདྨ་འབྱུང་གནས། སྤྱི་འཐུས་གསེར་རྟ་ཚུལ་ཁྲིམས། སྤྱི་འཐུས་ཟླ་སྒྲོན་ཤར་གླིང་། སྤྱི་འཐུས་དབྱངས་ཅན་སྒྲོལ་དཀར་བཅས་ནས།།

གསར་འགོད་ལྷན་ཚོགས་གནང་བཞིན་པ།གསར་འགོད་ལྷན་ཚོགས་གནང་བཞིན་པ།གསར་འགོད་ལྷན་ཚོགས་གནང་བཞིན་པ།གསར་འགོད་ལྷན་ཚོགས་གནང་བཞིན་པ།

 

Press Contact:

Mr. Pema Jungney, 9736185856

Mr. Serta Tsultrim, 9418122118

Ms. Yangchen Dolkar, 9436103446

Ms. Dhardon Sharling, 9418791189, [email protected]

Menu