སྤྱི་འཐུས་རྒྱུན་ལས་དང་རྡ་སར་ཕྱོགས་བཞུགས་སྤྱི་འཐུས་རྣམ་པའི་ནང་ཁུལ་ལྷན་ཚོགས།

ཕྱི་ཟླ་ ༢ ཚེས་ ༡༣ ཉིན་གྱི་སྔ་དྲོ་ཚོུད་ ༡༠།༣༠ ཐོག སྤྱི་ལྷན་དཔེ་མཛོད་ཁང་དུ་ཚོགས་གཙོ་སྦྲེལ་པོ་དབུ་བཞུགས་ཐོག སྤྱི་འཐུས་རྒྱུན་ལས་དང། རྡ་སར་ཕྱོགས་བཞུགས་སྤྱི་འཐུས་རྣམ་པ་ལྷན་ཚོགས་གནང་སྟེ། ད་ལྟའི་ཆར་བོད་ནང་ཛ་དྲག་གནས་ཚུལ་རྒྱུན་ཆད་མེད་པ་ཐོན་བཞིན་པའི་ཐོག་བྱེད་ཕྱོགས་ཇི་དགེ་བཀའ་བསྡུར་གནང་ཡོད་པ་དང། ལྷན་ཚོགས་འདིའི་གྲུབ་དོན་སྙན་ཐོ་ཁག་སྤྱི་འཐུས་རྒྱུན་ལས་ལྷན་ཚོགས་སུ་གཏན་འབེབས་གནང་རྗེས། བཀའ་སྤྱི་ལྷན་རྒྱས་སུ་གོ་བསྡུར་ཞུ་འོས་ཁག་ཞུས་དེ་ཕྱག་བསྟར་མཇུག་གནོན་གནང་རྒྱུ་ཡིན་འདུག

དེ་རིང་ཚོགས་ཞུགས་གནང་མཁན་ཚོགས་གཙོ་སྦྲེལ་པོས་དབུས་པའི་སྤྱི་འཐུས་རྒྱུན་ལས་ཀརྨ་མ་ཆོས་འཕེལ་ལགས་དང་། སྤྱི་འཐུས་པདྨ་འབྱུང་གནས་ལགས། སྤྱི་འཐུས་ཀརྨ་ཡེ་ཤེས་ལགས། སྤྱི་འཐུས་དགེ་བཤེས་སྨོན་ལམ་མཐར་ཕྱིན་ལགས། སྤྱི་འཐུས་འཇུ་ཆེན་དཀོན་མཆོག་ཆོས་སྒྲོན་ལགས། སྤྱི་འཐུས་རྨོག་རུ་བསྟན་པ་ལགས་བཅས་དང། རྡ་སར་ཕྱོགས་བཞུགས་སྤྱི་འཐུས་འབའ་བ་སྐལ་བཟང་རྒྱལ་མཚན་ལགས། སྤྱི་འཐུས་ཟླ་བ་ཚེ་རིང་ལགས། སྤྱི་འཐུས་བོུ་ཚེ་རིང་ལགས། སྤྱི་འཐུས་སྒྲོལ་མ་ཚེ་རིང་ལགས། སྤྱི་འཐུས་ཤར་གླིང་བསྟན་འཛིན་ཟླ་སྒྲོན་ལགས། སྤྱི་འཐུས་རྒྱ་རིགས་ཐར་ལགས། སྤྱི་འཐུས་གངས་ལྷ་མོ་ལགས། སྤྱི་འཐུས་གསེར་རྟ་ཚུལ་ཁྲིམས་ལགས། སྤྱི་འཐུས་ཟླ་བ་ཕུན་སྐྱིད་ལགས། སྤྱི་འཐུས་ཡེ་ཤེས་སྒྲོལ་མ་ལགས། སྤྱི་འཐུས་བསོད་ནམས་རྒྱལ་མཚན་ལགས། སྤྱི་འཐུས་སྒྲོལ་དཀར་སྐྱབས་ལགས་བཅས་བསྡོམས་སྤྱི་འཐུས་གྲངས་ ༢༠ ལྷན་འཛོམས་གནང་ཡོད་པ་དང། ཕྱི་དྲོའི་ཚོུད་ ༤།༣༠ ཐོག་ལྷན་ཚོགས་གྲོལ་ཡོད་པ་རེད།

Menu