སྤྱི་འཐུས་ཟླ་བ་ཕུན་སྐྱིད་མཆོག་དང་སྤྱི་འཐུས་གསེར་རྟ་ཚུལ་ཁྲིམས་མཆོག་རྣམ་གཉིས་བཞུགས་སྒར་རྡ་སའི་ས་ཁུལ་དུ་འཚམས་གཟིགས་ཕེབས་གཏན་ཁེལ་བ།

༄༅། ། སྐབས་ ༡༧ པའི་བོད་མི་མང་སྤྱི་འཐུས་རྣམ་པས་མཛད་འཁུར་བཞེས་ཟིན་རྗེས། ཐོག་མར་མང་ཚོགས་ལ་གཞུང་འབྲེལ་འཚམས་གཟིགས་སུ་ཕེབས་རྒྱུའི་ལས་རིམ་ཡོད་པ་ལྟར། སྤྱི་འཐུས་ཟླ་བ་ཕུན་སྐྱིད་མཆོག་དང་། སྤྱི་འཐུས་གསེར་རྟ་ཚུལ་ཁྲིམས་མཆོག་རྣམ་གཉིས་ཕྱི་ལོ་ ༢༠༢༢ ཟླ་ ༢ ཚེས་ ༡༤ ནས་ ༡༨ བར་བཞུགས་སྒར་རྡ་སའི་ས་ཁུལ་ཁག་ལ་གཞུང་འབྲེལ་འཚམས་གཟིགས་ཕེབས་གཏན་ཁེལ་ཡོད།

དེ་ཡང་ཕྱི་ཚེས་ ༡༤ ཉིན་རྡ་སྟེང་བོད་ཁྱིམ་དང་། ཧྥོ་སེད་གྷན་ཇི། མེག་གྷན། གངས་སྐྱིད་བཅས་སུ་ལས་རིམ་དང་། ཕྱི་ཚེས་ ༡༥ ཉིན་རྡ་ཤོད་བོད་ཁྱིམ་དང་། སྣེ་ལེན་ཁང་། ནོར་གླིང་། སྒྲོལ་མ་གླིང་སོགས་ལ་ལས་རིམ། ཕྱི་ཚེས་ ༡༦ ཉིན་སཱ་ར་དང་། ཤུག་གསེབ། འཇམ་དབྱངས་ཆོས་གླིང་། ཏིར་ལོ་པུར་བཅས་སུ་ལས་རིམ། ཕྱི་ཚེས་ ༡༧ ཉིན་རྒྱུད་སྟོད་དང་། ཅ་མུན་ཌ། གྷོ་པལ་པུར་བཅས་ལ་ལས་རིམ་བསྐྱང་རྒྱུ་ཡིན་པ་བཅས། །

Menu