སྤྱི་འཐུས་མཁན་པོ་འཇམ་དཔལ་བསྟན་འཛིན་མཆོག་དང་སྤྱི་འཐུས་དགེ་བཤེས་ཨ་ཀྲོང་རིན་ཆེན་རྒྱལ་མཚན་མཆོག་རྣམ་གཉིས་རྒྱ་གར་བྱང་ཕྱོགས་གཞིས་ཆགས་ཁག་ཅིག་དང་སུད་ཚོང་ས་གནས་ཁག་ཅིག་ལ་འཚམས་གཟིགས་ཕེབས་གཏན་ཁེལ་བ།

༄༅། ། སྐབས་ ༡༧ པའི་བོད་མི་མང་སྤྱི་འཐུས་རྣམ་པས་མཛད་འཁུར་བཞེས་ཟིན་རྗེས། ཐོག་མར་མང་ཚོགས་ལ་གཞུང་འབྲེལ་འཚམས་གཟིགས་སུ་ཕེབས་རྒྱུའི་ལས་རིམ་ཡོད་པ་ལྟར། སྤྱི་འཐུས་མཁན་པོ་འཇམ་དཔལ་བསྟན་འཛིན་མཆོག་དང་། སྤྱི་འཐུས་དགེ་བཤེས་ཨ་ཀྲོང་རིན་ཆེན་རྒྱལ་མཚན་མཆོག་རྣམ་གཉིས་ཕྱི་ལོ་ ༢༠༢༢ ཟླ་ ༡ ཚེས་ ༡༡ ནས་ ༢༦ བར་རྒྱ་གར་བྱང་ཕྱོགས་ཧི་མཱ་ཅལ་མངའ་སྡེའི་རྒྱལ་ས་སིམ་ལ་དང་ཁྱབ་ཁོངས་ཁ་ར་བ་ཐར་དང་། ནར་ཀན་ཌ། དེ་བཞིན་ཌོ་ལན་ཇི་བོན་གཞིས་དང་། སྤོན་ཊ་ཆོལ་གསུམ། ཧར་པ་སྤུར། སེ་ལ་ཀུའེ། ས་ཊོན་ཁམས་ཀཿ ཐོག ཀུམ་རའོ། སྤུར་ཝ་ལ་ས་སྐྱ་གཞིས་ཆགས་བཅས་དང་། རྒྱ་གར་བྱང་ཕྱོགས་པཎ་ཇབ་དང་ཧར་ཡ་ན་མངའ་སྡེའི་ནང་གི་བོད་མིའི་སུད་ཚོང་ས་གནས་ཅན་རྡི་སྒར་ (chandigarh) དང་། མོ་ཧ་ལི། (Mohali) ལུ་རྡི་ཡ་ན། (Ludhiana) ཇ་ལན་རྡར་ (Jalandhar) པ་ཊི་ཡ་ལ། (Patiala) ཨམ་བྷ་ལ། (Ambala) ཀར་ནལ་ (Karnal) བཅས་ལ་གཞུང་འབྲེལ་འཚམས་གཟིགས་ཕེབས་གཏན་ཁེལ་ཡོད།

དེ་ཡང་སྤྱི་འཐུས་རྣམ་པ་གཉིས་ཕྱི་ཚེས་ ༡༡ ཉིན་རྒྱལ་ས་ལྡི་ལིར་མཉམ་འཛོམས་གནང་རྒྱུ་དང་། ཕྱི་ཚེས་ ༡༢ ཉིན་ལྡི་ལི་ནས་སིམ་ལར་ (Shimla) ཕེབས་ཐོན་གནང་རྒྱུ། ཕྱི་ཚེས་ ༡༣ ནས་ ༡༤ བར་ཉིན་གཉིིས་རིང་སིམ་ལ་ཁྱབ་ཁོངས་སུ་ལས་རིམ། ཕྱི་ཚེས་ ༡༥ ནས་ ༢༠ བར་རིམ་པས་གོང་འཁོད་གཞིས་ཆགས་གཞན་ཁག་ལ་ལས་རིམ། ཕྱི་ཚེས་ ༢༡ ཉིན་སྤུར་ཝ་ལ་ས་སྐྱ་གཞིས་ཆགས་ནས་ཅན་རྡི་སྒར་ཕེབས་ཐོན་དང་། ཕྱི་ཚེས་ ༢༢ ནས་ ༢༤ བར་རིམ་པས་གོང་འཁོད་སུད་ཚོང་ས་གནས་ཁག་ལ་ལས་རིམ། ཕྱི་ཚེས་ ༢༦ ཉིན་སོ་སོའི་བཞུགས་གནས་སུ་ཕེབས་འབྱོར་གནང་རྒྱུ་ཡིན་པ་བཅས། །

Menu