སྤྱི་འཐུས་དབུ་དཀར་ཚང་གཡུ་སྒྲོན་མཆོག་དང་སྤྱི་འཐུས་མཁན་པོ་འཇམ་དཔལ་བསྟན་འཛིན་མཆོག་རྣམ་གཉིས་རྒྱ་གར་བྱང་ཕྱོགས་སྡེ་ར་ལྡུན་ཁུལ་ལ་གཞུང་འབྲེལ་ཕྱོགས་བསྐྱོད་ཕེབས་གཏན་ཁེལ་བ།

༄༅། །སྐབས་ ༡༧ པའི་བོད་མི་མང་སྤྱི་འཐུས་རྣམ་པ་ལོ་གཉིས་དང་ཕྱེད་སྔ་མའི་ནང་མང་ཚོགས་ལ་ཆབ་སྲིད་སོགས་ཀྱི་ལམ་སྟོན་དང་། བདེ་སྡུག་གཟིགས་ཞིབ་སླད་ཕེབས་རྒྱུའི་ལས་རིམ་ཡོད་པ་ལྟར། སྤྱི་འཐུས་དབུ་དཀར་ཚང་གཡུ་སྒྲོན་མཆོག་དང་། སྤྱི་འཐུས་མཁན་པོ་འཇམ་དཔལ་བསྟན་འཛིན་མཆོག་རྣམ་གཉིས་ཕྱི་ལོ་ ༢༠༢༢ ཟླ་ ༨ ཚེས་ ༢༤ ནས་ཕྱི་ཟླ་ ༩ ཚེས་ ༥ བར་རྒྱ་གར་བྱང་ཕྱོགས་སྡེ་ར་ལྡུན་ཁུལ་གྱི་བོད་མིའི་གནས་སྡོད་ཁག་ལ་གཞུང་འབྲེལ་ཕྱོགས་བསྐྱོད་ཕེབས་གཏན་ཁེལ་ཡོད།

དེ་ཡང་སྤྱི་འཐུས་རྣམ་པ་གཉིས་ཕྱི་ཚེས་ ༢༤ ཉིན་སོ་སོའི་བཞུགས་གནས་ནས་སྡེ་ར་ལྡུན་ཁུལ་ལ་ཕེབས་འབྱོར་གནང་རྒྱུ་དང་།  ཕྱི་ཚེས་ ༢༥ ཉིན་བདེ་སྐྱིད་གླིང་དང་། དགེ་འཕེལ་གླིང་གཞིས་ཆགས་ཁྱབ་ཁོངས་ལས་ཁུངས་ཁག་དང་། དགོན་སྡེ་ཁག་སོགས་ལ་གཟིགས་སྐོར་གནང་རྒྱུའི་ལས་རིམ། ཕྱི་ཚེས་ ༢༦ ཉིན་མ་སུ་རི་སློབ་གྲྭ་ཁག་གཉིས་སུ་ལས་རིམ།  ཕྱི་ཚེས་ ༢༧ ཉིན་ར་ཇཱ་སྤུར་ས་གནས་སུ་ལས་རིམ། ཕྱི་ཚེས་ ༢༨ ཉིན་དོན་གྲུབ་གླིང་གཞིས་ཆགས་སུ་ལས་རིམ། ཕྱི་ཚེས་ ༢༩ ཉིན་གླིང་ཚང་གཞིས་ཆགས་སུ་ལས་རིམ། ཕྱི་ཚེས་ ༣༠ ཉིན་ནེ་ནི་ཏཱལ་ལ་ཕེབས་ཐོན་གནང་སྟེ། ཕྱི་ཚེས་ ༣༡ ཉིན་ས་གནས་སུ་ལས་རིམ། ཕྱི་ཟླ་ ༩ ཚེས་ ༡ ཉིན་ནེ་ནི་ཏཱལ་ནས་བདེ་སྐྱིད་གླིང་གཞིས་ཆགས་སུ་ཕྱིར་ཕེབས་གནང་སྟེ།  ཕྱི་ཚེས་ ༢ ཉིན་བདེ་སྐྱིད་གླིང་གཞིས་ཆགས་སུ་ལས་རིམ། ཕྱི་ཟླ་ ༩ ཚེས་ ༣ ཉིན་སར་ས་ཝ་རུ་ལས་རིམ། ཕྱི་ཚེས་ ༤ ཉིན་ས་གནས་རྒྱ་གར་ཚོགས་པ་ཁག་དང་ལྷན་མཇལ་འཕྲད་དང་། བཞུགས་མོལ་ཚོགས་འདུ་འཚོགས་རྒྱུ། ཕྱི་ཚེས་ ༥  ཉིན་བཞུགས་སྒར་རྡ་སར་ཕེབས་ཐོན་གནང་རྒྱུ་ཡིན་པ་བཅས། །

 

Menu