༄༅། ། ཕྱི་ལོ་ ༢༠༢༥ ཟླ་ ༦ ཚེས་ ༣༠ ཉིན་མཉམ་མེད་དྭགས་པོ་བཀའ་བརྒྱུད་ཀྱི་བསྟན་བདག་བླ་ཆེན་སྟག་ལུང་༧སྐྱབས་མགོན་གྭ་ཟི་ཁྲི་འཛིན་ཞབས་དྲུང་རིན་པོ་ཆེ་བསྟན་འཛིན་འགྱུར་མེད་ཆོས་ཀྱི་དབང་ཕྱུག་རིན་པོ་ཆེ་མཆོག བོད་མིའི་སྒྲིག་འཛུགས་ནས་༸གོང་ས་སྐྱབས་མགོན་ཐམས་ཅད་མཁྱེན་པ་རྒྱལ་དབང་བསྟན་འཛིན་རྒྱ་མཚོ་མཆོག་ལ་གཞུང་འབྲེལ་བརྟན་བཞུགས་དང་། སྐུའི་འཁྲུངས་སྐར་དངོས་གཞིའི་མཛད་སྒོར་ཆིབས་བསྒྱུར་བཀའ་དྲིན་བསྐྱང་སྐབས། བོད་མི་མང་བཀའ་བརྒྱུད་སྤྱི་འཐུས་བསྟན་པ་ཡར་འཕེལ་མཆོག་དང་། བོད་མིའི་སྒྲིག་འཛུགས་ཀྱི་དབུས་འོས་བསྡུའི་དྲུང་ཆེ་བློ་བཟང་ཆོས་གྲགས་ལགས་བཅས་བཞུགས་སྒར་རྡ་རམ་ས་ལ་ནས་ཀང་རར་གཞུང་འབྲེལ་ཕེབས་བསུ་ཆེད་བཅར་ཞུས་ཏེ་བཞུགས་སྒར་དུ་ཞབས་སོར་བདེ་བར་འཁོད་གནང་ཡོད་པ་བཅས།།
