བོད་མི་མང་སྤྱི་འཐུས་ལྷན་ཁང་དུ་བྷར་ཛལ་(Brazil)ནས་ཡིན་པའི་སྨན་པ་ལྔ་གཟིགས་སྐོར་ཕེབས་པ།

IMG_4757

ཕྱི་ལོ་ ༢༠༡༦ ཟླ་ ༩ ཚེས་ ༣ ནས་ ༢༣ བར་བྷར་ཛལ་( Brazil, Federal University of Sao Paulo) ཡིན་པའི་སྨན་པ་ལྔ་བཞུགས་སྒར་ཁུལ་གྱི་བོད་མིའི་སྒྲིག་འཛུགས་ཀྱི་ཁྱབ་ཁོངས་དང་། གཞུང་འབྲེལ་མ་ཡིན་པའི་སྒྲིག་འཛུགས་སོགས་ལ་གཟིགས་སྐོར་ཕེབས་ཡོད་པ་བཞིན། ཚེས་ ༦ ཉིན་གུང་ཆུ་ཚོད་ ༣།༠༠ ཐོག་སྤྱི་ལྷན་དུ་གཟིགས་སྐོར་ཕེབས་ནས་དཔལ་ལྡན་ཚོགས་གཞོན་མཆོག་ལ་མཇལ་འཕྲད་ཞུས་ཏེ། ཚོགས་གཞོན་མཆོག་ནས་བོད་དོན་དང་འབྲེལ་བའི་བཀའ་སློབ་ཁག་གནང་སྐབས་ཁོང་རྣམ་པར་སེམས་སྐུལ་དང་ཚོར་བ་ཡང་ཆེན་པོ་སླེབས་ཡོད་པ་མ་ཟད། ཁོང་རྣམ་པས་བཀའ་དྲི་ཡང་གནང་ཡོད། མཇུག་ཏུ་དཔལ་ལྡན་ཚོགས་གཞོན་མཆོག་ནས་སྨན་པ་ཚོར་བོད་དོན་རྒྱབ་སྐྱོར་ཚོགས་པའི་ནང་ལ་མཉམ་ཞུགས་གནང་ནས་བོད་དོན་ཐོག་རྒྱབ་སྐྱོར་གང་ཐུབ་གནང་སྐྱོང་ཡོང་བའི་རེ་སྐུལ་ཞུས་གནང་ཡོད།

Menu