༄༅། ། བོད་མི་མང་སྤྱི་འཐུས་ཟླ་བ་ཚེ་རིང་མཆོག་དང་། སྤྱི་འཐུས་ཡེ་ཤེས་སྒྲོལ་མ་མཆོག སྤྱི་འཐུས་བསྟན་པ་ཡར་འཕེལ་མཆོག་བཅས་ལས་གྲུབ་པའི་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ཚོགས་ཆུང་ནས་ལ་དྭགས་སུ་བོད་དོན་ཞུ་སྐུལ་གྱི་ལས་འགུལ་སྤེལ་བཞིན་ཡོད་པ་ལྟར། ཕྱི་ལོ་ ༢༠༢༣ ཟླ་ ༩ པའི་ཚེས་ ༩ ཉིན་བོད་མི་མང་སྤྱི་འཐུས་རྣམ་པས་ལ་དྭགས་ཁུལ་གྱི་བྷི་ཇེ་པི་སྲིད་དོན་ཚོགས་པའི་ཚོགས་གཙོ་ཕུན་ཚོགས་བསྟན་འཛིན་ (Phunchok Stanzin, State President Bharatiya Janata Party Ladakh) མཆོག་དང་།

ལ་དྭགས་ཁུལ་གྱི་བྷི་ཇེ་པི་སྲིད་དོན་ཚོགས་པའི་དྲུང་ཆེ་བསོད་ནམས་ནོར་བུ་ (Sonam Norbu, General Secretary of State Kisan morcha, BJP) མཆོག ལ་དྭགས་རང་སྐྱོང་རི་ལྗོངས་ཡར་རྒྱས་ལྷན་ཚོགས་ཀྱི་སྡེ་དཔོན་ཟུར་པ་སྐུ་ཞབས་རྒྱལ་པི་དབང་རྒྱལ་ (Gyal P Wangyal, Former CEC of Leh Ladakh) མཆོག ལ་དྭགས་ཁུལ་གྱི་གློག་བརྙན་འཁྲབ་སྟོན་པ་དང་གཞས་པ་གྲགས་ཅན། དེ་བཞིན་བོད་དོན་རྒྱབ་སྐྱོར་བ་ཕུན་ཚོགས་ (Renowned Ladhaki Actor & Singer, and Tibet supporter Phuntsok Ladhaki) མཆོག ལ་དྭགས་ཕན་བདེ་ཚོགས་པའི་ཚོགས་མི་སྐུ་ཞབས་པར་མིཏ་ (Parmeetji, Ladakh Phendey Tsokpa, JK&Ladakh Pracharak) མཆོག ལ་དྭགས་རང་སྐྱོང་རི་ལྗོངས་ཡར་རྒྱས་ལྷན་ཚོགས་ཀྱི་ཚོགས་མི་དང་། ཀོང་རེ་སི་སྲིད་དོན་ཚོགས་པའི་དབུ་ཁྲིད་ཚེ་རིང་རྣམ་རྒྱལ་ (Tsering Namgyal, Lower Leh councillor and leader of Opposition) མཆོག་བཅས་དང་ལྷན་མཇལ་འཕྲད་ཀྱིས་ད་བར་རྒྱ་གར་གཞུང་མང་གཉིས་ནས་སྐྱབས་བཅོལ་བོད་མི་རྣམས་ལ་མཐུན་འགྱུར་གནང་བར་བཀའ་དྲིན་ཆེ་ཞུས་པ་དང་སྦྲགས།

བོད་ནང་གི་ད་ལྟའི་ཛ་དྲག་གནས་སྟངས་སྐོར་ངོ་སྤྲོད་དང་། བོད་དོན་ཐོག་སྔར་ལྷག་རྒྱབ་སྐྱོར་གནང་སྐྱོང་ཡོང་བའི་ཞུ་སྐུལ་དང་། བོད་མི་མང་སྤྱི་འཐུས་ཚོགས་གཙོ་མཆོག་གི་མཚན་རྟགས་འཁོད་པའི་དོན་ཚན་བཅུ་ཅན་གྱི་བོད་དོན་ཞུ་སྐུལ་གྱི་ཡིག་ཆ་སོགས་ཕུལ་གནང་ཡོད་པ་བཅས། །