༄༅། ། ཕྱི་ལོ་ ༢༠༢༣ ཟླ་ ༩ ཚེས་ ༧ ཉིན་བོད་མི་མང་སྤྱི་འཐུས་ཟླ་བ་ཚེ་རིང་མཆོག་དང་། སྤྱི་འཐུས་ཡེ་ཤེས་སྒྲོལ་མ་མཆོག སྤྱི་འཐུས་བསྟན་པ་ཡར་འཕེལ་མཆོག་བཅས་ལས་གྲུབ་པའི་བོད་མི་མང་ལྷན་ཚོགས་ཀྱི་སྤྱི་འཐུས་སྐུ་ཚབ་ཚོགས་ཆུང་ནས་ལ་དྭགས་སུ་ཡུལ་སྐོར་བློན་ཆེན་ཟུར་པ་འཇོ་ར་ངག་དབང་རིག་འཛིན་ (Shri Ngawang Rinzin Jorba, former Minister for Tourism) མཆོག་དང་། རྒྱ་གར་དབུས་གྲོས་ཚོགས་གོང་མའི་འཐུས་མི་ཟུར་པ་ཁྲེག་རྩེ་རིན་པོ་ཆེ་མཆོག ཇ་མུ་ཀ་ཤི་མིར་མངའ་སྡེའི་བློན་ཆེན་ཟུར་པ་དང་། ལ་དྭགས་རང་སྐྱོང་རི་ལྗོངས་ཡར་རྒྱས་ལྷན་ཚོགས་ཀྱི་སྡེ་དཔོན་ཟུར་པ། ལ་དྭགས་ནང་པའི་མཐུན་ཚོགས་ཀྱི་ཚོགས་གཞོན་ཚེ་རིང་རྡོ་རྗེ་ (Shri Tsering Dorjee, Vice president of Leh Ladakh Buddhist Association, and former Chairman of Ladakh Autonomous Hill development council and Former Cabinet Minister, J&KState) མཆོག་བཅས་དང་ལྷན་རིམ་པས་མཇལ་འཕྲད་ཀྱིས་བོད་ནང་གི་ད་ལྟའི་ཛ་དྲག་གནས་སྟངས་སྐོར་ངོ་སྤྲོད་ཀྱིས་བོད་དོན་ཐོག་སྔར་ལྷག་རྒྱབ་སྐྱོར་གནང་སྐྱོང་ཡོང་བའི་ཞུ་སྐུལ་དང་། དེ་བཞིན་བོད་མི་མང་སྤྱི་འཐུས་ཚོགས་གཙོ་མཆོག་གི་མཚན་རྟགས་འཁོད་པའི་དོན་ཚན་བཅུ་ཅན་གྱི་བོད་དོན་ཞུ་སྐུལ་གྱི་ཡིག་ཆ་སོགས་ཕུལ་གནང་ཡོད་འདུག

གཞན་ཡང་དེ་ཉིན་བོད་མི་མང་སྤྱི་འཐུས་རྣམ་པ་ལ་དྭགས་སུ་ཐེངས་དང་པོ་གོ་སྒྲིག་ཞུས་པའི་གནམ་གཤིས་ཕོར་པའི་ (Climate Cup, the first-ever professional football event in Ladakh) རྐང་སྤོལ་རྩེད་འགྲན་མཐའ་མའི་འགྲན་བསྡུར་སྐབས་སྐུ་མགྲོན་དུ་གདན་ཞུས་ལྟར་ཆེད་ཕེབས་གནང་ཡོད་པ་བཅས། །