༄༅། ། ཕྱི་ལོ་ ༢༠༢༥ ཟླ་ ༧ པའི་ཚེས་ ༡༩ ཉིན་བོད་མི་མང་སྤྱི་འཐུས་དགེ་བཤེས་རྔ་བ་གངས་རི་མཆོག་དང་། སྤྱི་འཐུས་ཚེ་རིང་དབྱངས་ཅན་མཆོག་རྣམ་གཉིས་ནས་བཞུགས་སྒར་རྡ་རམ་ས་ལ་ས་གནས་འགོ་འཛིན་ཁྱབ་ཁོངས་ཁག་ལ་གཞུང་འབྲེལ་ས་བགོས་ཕྱོགས་བསྐྱོད་ལེགས་གྲུབ་བྱུང་ཡོད་འདུག
དེ་ཡང་སྤྱི་འཐུས་རྣམ་པ་གཉིས་ནས་ཌལ་ཧོར་ཕུན་ཚོགས་གླིང་གཞིས་ཆགས་སུ་གཞུང་འབྲེལ་ལས་རིམ་ཁག་གྲུབ་རྗེས། ཕྱི་ཚེེས་ ༡༤ ནས་ ༡༩ བར་རྡ་རམ་ས་ལ་ས་གནས་འགོ་འཛིན་ཁྱབ་ཁོངས་གྷོ་པལ་པུར་དང་། སྭ་ར་བོད་ཀྱི་མཐོ་སློབ། རྡ་སྟེང་བོད་ཁྱིམ་སློབ་གྲྭ མེག་ལོར་གྷན་ཇི། བོད་ཀྱི་ཟློས་གར། གངས་སྐྱིད་དཔེ་སྟོན་སློབ་གྲྭ། སྨན་རྩིས་ཁང་། སཾ་བྷོ་ཊ་སྤྱི་ཁྱབ་ཡིག་ཚང་། ཤེས་རབ་དགའ་ཚལ་སློབ་གླིང་། འཛིན་སྐྱོང་སྦྱོང་བརྡར་བསྟི་གནས་ཁང་། ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་། སྒྲོལ་མ་གླིང་བཙུན་དགོན། ཅ་མུན་ཌ། ཤུགས་གསེབ། འཇམ་དབྱངས་ཆོས་གླིང་། དགའ་ལྡན་ཆོས་གླིང་བཅས་སུ་གཟིགས་སྐོར་ཕེབས་ཏེ། སེར་སྐྱ་མང་ཚོགས་དང་སློབ་ཕྲུག་ཐུག་འཕྲད་ཀྱིས་གསུང་བཤད་དང་། བདེ་སྡུག་གསན་ཞིབ་གནང་བ་སོགས་ཐེངས་འདིའི་གཞུང་འབྲེལ་ས་བགོས་ཕྱོགས་བསྐྱོད་ཀྱི་ལས་རིམ་ཁག་ཡོངས་སུ་ལེགས་གྲུབ་བྱུང་ཡོད་འདུག་པ་བཅས།
