༄༅། །སྐབས་ ༡༧ པའི་བོད་མི་མང་སྤྱི་འཐུས་རྣམ་པ་ལོ་གཉིས་དང་ཕྱེད་སྔ་མའི་ནང་མང་ཚོགས་ལ་ཆབ་སྲིད་སོགས་ཀྱི་ལམ་སྟོན་དང་། བདེ་སྡུག་གཟིགས་ཞིབ་སླད་ཕེབས་རྒྱུའི་ལས་རིམ་ཡོད་པ་ལྟར། སྤྱི་འཐུས་དགེ་བཤེས་ཨ་ཀྲོང་རིན་ཆེན་རྒྱལ་མཚན་མཆོག་དང་། སྤྱི་འཐུས་པདྨ་མཚོ་མཆོག་རྣམ་གཉིས་ཕྱི་ལོ་ ༢༠༢༣ ཟླ་ ༦ཚེས་ ༢༥ ནས་ཟླ་ ༧ པའི་ཚེས་ ༨ བར་ལ་དྭགས་སླེ་དང་བྱང་ཐང་། ཤྲི་ཎ་སྒར། ཇཱ་མུ། དཀར་འཁྱིལ་བཅས་སུ་གཞུང་འབྲེལ་ས་བགོས་ཕྱོགས་བསྐྱོད་གནང་གཏན་ཁེལ་ཡོད།
དེ་ཡང་སྤྱི་འཐུས་རྣམ་པ་གཉིས་ཕྱི་ཚེས་ ༢༥ ཉིན་རྡ་ས་ནས་ཅན་རྡི་སྒར་བརྒྱུད་ཤྲི་ཎ་སྒར་ལ་ཕེབས་ཐོན་གནང་རྒྱུ། ཕྱི་ཚེས་ ༢༦ ཉིན་ཤྲི་ཎ་སྒར་ཁུལ་ལ་ལས་རིམ། ཕྱི་ཚེས་ ༢༧ ཉིན་ཤྲི་ཎ་སྒར་ནས་དཀར་འཁྱིལ་ཕེབས་ཐོན་གནང་རྒྱུ། ཕྱི་ཚེས་ ༢༨ ཉིན་དཀར་འཁྱིལ་ཁུལ་ལ་ལས་རིམ། ཉིན་རྒྱབ་ལ་དྭགས་རྒྱལ་ས་སླེ་རུ་ཕེབས་ཐོན་གྱིས་ཕྱི་ཚེས་ ༢༩ བར་ལ་དྭགས་སླེ་ཁུལ་ལ་ལས་རིམ། ཕྱི་ཚེས་ ༣༠ ནས་ཟླ་ ༧ པའི་ཚེས་ ༤ བར་ལ་དྭགས་བྱང་ཐང་ཁུལ་ལ་ལས་རིམ། ཕྱི་ཚེས་ ༥ ནས་ ༦ བར་ལ་སྤྱི་ལས་ཁུངས་ཁྱབ་ཁོངས་ཁག་དང་། ལ་དྭགས་སླེ་རུ་ལས་རིམ། ཕྱི་ཚེས་ ༧ ཉིན་ལྡི་ལིར་ཕྱིར་ཕེབས་གནང་རྒྱུ་ཡིན་པ་བཅས། །