བཙན་བྱོལ་བོད་མིའི་འོས་བསྡུའི་སྒྲིག་གཞི་པར་ཐེངས་གསར་འདོན།

༄༅། །བོད་མི་མང་སྤྱི་འཐུས་ལྷན་ཚོགས་ནས་བཙན་བྱོལ་བོད་མིའི་ཁྲིམས་སྒྲིག་ཁག་ལ་བསྐྱར་བཅོས་གནང་རིམ་བཞིན་བོད་མི་མང་སྤྱི་འཐུས་ལྷན་ཁང་གི་དྲ་རྒྱ་འདིའི་ནང་དུ་ཡོད་པའི་ཁྲིམས་སྒྲིག་ཁག་ལའང་བསྐྱར་བཅོས་ཞུ་བཞིན་ཡོད་ལ། ཉེ་སྔོན་ཕྱི་ཟླ་ ༣ པར་བོད་མི་མང་སྤྱི་འཐུས་སྐབས་ ༡༥ པའི་གྲོས་ཚོགས་ཚོགས་དུས་ ༩ པར་ཁྲིམས་སྒྲིག་བསྐྱར་བཅོས་གནང་བ་ཁག་ཀྱང་འདི་ནང་བསྐྱར་བཅོས་ཟིན་པས། རིང་མིན་བཀའ་ཤག་སྐབས་ ༡༥ པའི་སྲིད་སྐྱོང་དང་། བོད་མི་མང་སྤྱི་འཐུས་སྐབས་ ༡༦ པའི་སྤྱི་འཐུས་རྣམས་ཀྱི་འོས་བསྡུ་ཆེན་མོ་སླེབས་ལ་ཉེ་བ་དང་བཅས། བཙན་བྱོལ་བོད་མིའི་འོས་བསྡུའི་སྒྲིག་གཞི་ཁེ་གཙང་དེབ་གཟུགས་སུ་པར་ཐེངས་གསུམ་པ་པར་སྐྲུན་ཞུ་མུས་ཐོག ཕབ་ལེན་དང་གཟིགས་བདེའི་ཆེད་པར་རྩ་དྲ་རྒྱ་འདིའི་གལ་ཆེའི་དྲ་ཐག་སྡེ་ཚན་དུ་བཞག་ཡོད་པས་གཟིགས་གནང་ཡོང་བ་ཞུ།
སྤྱི་འཐུས་ཚོགས་དྲུང་ལས་ཁུངས་ནས། ༢༠༡༥།༠༤།༡༧ ལ།

Menu