གནམ་ལོ་གསར་དུ་བཞད་པའི་དགའ་སྟོན་ལ་དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཆོག་གིས་འཚམས་འདྲི་གནང་བ།

༄༅། །དཔལ་ལྡན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་པདྨ་འབྱུང་གནས་མཆོག་གིས་འཆར་ལ་ཉེ་བའི་བོད་ཀྱི་ལོ་གསར་ལ་གཞིས་བྱེས་བོད་མི་ཡོངས་ལ་འཚམས་འདྲི་གནང་དོན། བོད་རྒྱལ་ལོ་ ༢༡༤༧ རབ་གནས་ལྕགས་བྱི་ལོའི་གནམ་ལོ་གསར་དུ་བཞད་པའི་དགའ་སྟོན་ལ་ངས་བོད་མི་མང་སྤྱི་འཐུས་ལྷན་ཚོགས་ཀྱི་ཚབ་ཞུས་ཏེ་བོད་གཞིས་བྱེས་གཉིས་ཀྱི་བོད་མི་ཡོངས་ལ་མཛའ་ཞིང་བརྩེ་བའི་འཚམས་འདྲིའི་བཀྲ་ཤིས་བདེ་ལེགས་ཞུ་རྒྱུ་ཡིན།

ལོ་རྙིང་པ་རྫོགས་ནས་ལོ་གསར་པ་འཆར་ཡོང་གི་ཡོད་པ་རེད། དེར་བརྟེན་ང་ཚོ་ཚང་མས་རང་དོན་ཁོ་ན་མ་ཡིན་པར་གཞན་དོན་བྱ་བ་འབའ་ཞིག་གི་ཐོག་ལ་ལོ་འདིའི་ཁོར་མོ་བསྐྱལ་ཐུབ་པ་ཞིག་དང་། མི་ཚེ་དོན་དང་ལྡན་པ་ཡོང་བ། བཙན་བྱོལ་ནང་ཡོད་པའི་བོད་མི་ཚོས་བདེན་མཐའ་གསལ་ཐབས་ཆེད་དུ་རང་གི་འགན་དེ་རང་གི་འཁྱེར་ཐུབ་པའི་ཐོག འཚེ་མེད་ཞི་བའི་ལམ་ནས་ལས་འགུལ་འདྲ་མིན་སྣ་ཚོགས་སྤེལ་རྒྱུའི་རེ་བ་དང་ཡིད་ཆེས་ཞུ་གི་ཡོད། །

བོད་མིའི་སྒྲིག་འཛུགས་དྲ་རྒྱ་ལས་བཤུས། །

 

 

Menu