༄༅། །སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་ལགས་ཁེ་ན་ཌ་དང། ཨ་རི་བཅས་སུ་གཞུང་འབྲེལ་ཕྱོགས་བསྐྱོད་གྲུབ་ཏེ་བཞུགས་སྒར་དུ་ཕྱིར་འཁོར་བ།

Ven Sonam Tenphel with Randy WadeVen Sonam Tenphel with Randy Wademark h. luttrell with Ven Sonam Tenphelmark h. luttrell with Ven Sonam Tenphel

སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་ལགས་གཞུང་འབྲེལ་ཕྱོགས་བསྐྱོད་ཁེ་ན་ཌའི་རྒྱལ་ས་ཨོ་ཊ་ཝར་རྒྱལ་སྤྱིའི་གྲོས་ཚོགས་བོད་དོན་རྒྱབ་སྐྱོར་ཚོགས་ཆེན་ཐེངས་ ༦ པར་ཕེབས་པ་དང། ཚོགས་ཆེན་གྲུབ་རྗེས་ཕྱི་ཚེས་ ༢༩ དགོང་མོ་ཨོ་ཊ་ཝ་དཔལ་ཡུལ་ཆོས་ཚོགས་ཀྱིས་གདན་ཞུས་ལྟར་དགོང་དྲོ་གསོལ་ཚིག་སྐབས་ཕྱི་རྒྱལ་བ་དང་བོད་རིགས་ཁག་གཅིག་ལ་ཚོགས་ཆེན་གྱི་ནང་དོན་རྣམས་ངོ་སྤྲོད་དང་བོད་ཀྱི་གནས་སྟངས་སྐོར་འགྲེལ་བཤད་གནང་རྗེས་དྲི་བ་ཁག་ལ་ལན་གསལ་ཞུས། ཕྱི་ཟླ་ ༥ ཚེས་ ༡ ནས་ཨ་རིའི་མངའ་སྡེ་ཊེ་ནེ་སི་ (Tennessee) གི་གྲོང་ཁྱེར་མེམ་ཕི་སི་ (Memphis) ཕྱོགས་བསྐྱོད་དང་ཁུལ་དེའི་གྲོང་ཁྱེར་སྤྱི་ཁྱབ་མཆོག་དང་ཐུག་འཕྲད་གནང་སྟེ་ད་ལྟའི་བོད་ནང་གི་ཛ་དྲག་གནས་སྟངས་སོགས་ཀྱི་སྐོར་སྙན་གསན་ཞུས་ཡོད། དེ་ནས་ཁུལ་དེར་ཡོད་པའི་ (National Civil Rights Museum) གྱི་འགན་འཛིན་དང་ཐུག་འཕྲད་གནང་བ་དང། དེའི་རྗེས་ཨ་རིའི་གྲོས་ཚོགས་འོག་མའི་འཐུས་མི་ (Steve Cohen) གི་སྐུ་ཚབ་དང་རྫོང་གི་འགན་འཛིན་སྐུ་ཞབས་ (Randy Wade) མཆོག་དང་མཇལ་འཕྲད་ཞུས་ཏེ་ཨ་རིའི་གཞུང་དང། གྲོས་ཚོགས། མི་མང་བཅས་ནས་བོད་ཀྱི་གནད་དོན་ཐད་ཐུགས་སྣང་ཆེན་པོ་དང་རྒྱབ་སྐྱོར་ཤུགས་ཆེ་གནང་བར་ཐུགས་རྗེ་ཆེ་ཞུས་པ་དང། བོད་ནང་གི་གནས་སྟངས་སྐོར་དང་རང་ལུས་མེར་བསྲེགས་བཏང་བ་ཁག་གི་ཞལ་ཆེམས་དང་སྐད་འབོད་སོགས་ཀྱི་སྐོར་འགྲེལ་བཤད་ཞུས། དེ་བཞིན་བོད་ནང་བོད་ཀྱི་སྐད་ཡིག་གི་གནས་སྟངས་སྐོར་དང། ཆོས་དད་རང་དབང། འགྲོ་བ་མིའི་ཐོབ་ཐང་སོགས་ཀྱི་གནས་སྟངས་ཐད་ཉིན་རེ་ནས་ཉིན་རེར་ཇེ་སྡུག་འགྲོ་བཞིན་ཡོད་ཚུལ་སྐོར་སོགས་ཞུས། སྐུ་ཞབས་ (Randy Wade) མཆོག་གིས་བོད་དོན་ཐོག་རྒྱབ་སྐྱོར་གང་ཐུབ་ཞུ་རྒྱུའི་ཁས་ལེན་གནང་བ་དང། དེ་བཞིན་འབྲེལ་ཡོད་ཆོས་ཚོགས་ཁག་གི་སློབ་ཕྲུག་རྣམས་དང་ཆོས་ལུགས་ཀྱི་མི་སྣ་བཅས་ལ་བོད་ཀྱི་གནས་སྟངས་སྐོར་འགྲེལ་བརྗོད་ལེགས་གྲུབ་བྱུང་སྟེ་ཕྱི་ཟླ་ ༥ ཚེས་ ༡༨ ཉིན་རྡ་སར་ཕྱིར་ཕེབས་གནང་ཡོད།

director of national civil rights museumdirector of national civil rights museum

Menu