གསལ་བསྒྲགས།

སྤྱི་འཐུས་རྡོ་རིང་བསྟན་འཛིན་ཕུན་ཚོགས་མཆོག་ཨོ་གླིང་རི་སྔོན་པོ་བོད་རིགས་མཐུན་ཚོགས་ནས་མགྲོན་འབོད་ལྟར་༸སྐུའི་གོ་སྟོན་མཛད་སྒོར་ཆེད་བཅར་གནང་བ།

༄༅། ། ཕྱི་ལོ་ ༢༠༢༥ ཟླ་ ༧ ཚེས་ ༦ ཉིན་ཕྱོགས་བཞུགས་བོད་མི་མང་སྤྱི་འཐུས་རྡོ་རིང་བསྟན་འཛིན་ཕུན་ཚོགས་མཆོག་ཨོ་གླིང་རི་སྔོན་པོ་བོད་རིགས་མཐུན་ཚོགས་ནས་སྤྱི་ནོར་༸གོང་ས་༸སྐྱབས་མགོན་མཆོག་གི་༸སྐུའི་གོ་སྟོན་སྲུང་བརྩིའི་མཛད་སྒོའི་ཐོག་སྐུ་མགྲོན་གཙོ་བོར་མགྲོན་འབོད་ལྟར་ཆེད་བཅར་གནང་ཡོད་འདུག མཛད་སྒོའི་ཐོག་མར་སྐུ་མགྲོན་རྣམ་པས་རི་སྔོན་པོའི་གྲོང་སྡེ་ལྷན་ཚོགས་ཀྱི་མདུན་ཐང་དུ་ཨོ་གླིང་དང་། བོད་རྒྱལ་ཁབ་གཉིས་ཀྱི་རྒྱལ་དར་སྒྲེང་འཛུགས་གནང་ཞིང་། དེ་ཡང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༩༠ ལ་ཕེབས་པའི་དམིགས་བསལ་གྱི་དུས་ཚོད་ཁྱད་པར་ཅན་འདིར་རི་སྔོན་པོ་བོད་རིགས་མཐུན་ཚོགས་ཀྱིས་༸རྒྱལ་བའི་གོ་སྟོན་སྲུང་བརྩིའི་ཐོག་མར་རི་སྔོན་པོ་ས་ཁུལ་མི་འདྲ་བར་བོད་ཀྱི་རྒྱལ་དར་ ༡༡༣ སྒྲེང་འཛུགས་ཀྱི་མཛད་སྒོ་དེ་བཞིན་དེ་ཉིན་སྔ་དྲོ་ཆུ་ཚོད་ ༩།༣༠  ཐོག་རི་སྔོན་པོ་ས་གནས་གྲོང་སྡེ་ལྷན་ཚོགས་ཀྱི་ལས་ཁུངས་མདུན་དུ། གྲོང་སྡེ་སྤྱི་ཁྱབ་པ་སྐུ་ཞབས་མག་གྷི་རིན་ཧིལ་ (Mark Greenhill) མཆོག་དང་། གྲོས་ཚོགས་འཐུས་མི་སུ་སན་ཊེམ་པལ་མན་ (Federal MP Susan Templeman) མཆོག མངའ་སྡེའི་གྲོས་ཚོགས་འཐུས་མི་ཀྲི་རིཤ་ཌོ་ཡལ་ (State…

འཇར་མན་རོགས་ཚོགས་ (FNF) ཡིས་སྣེ་ཁྲིད་པའི་སྐུ་ཚབ་ཚོགས་ཆུང་ཞིག་བོད་མི་མང་སྤྱི་འཐུས་ལྷན་ཁང་དུ་ཕེབས་པ།

༄༅། ། ཕྱི་ལོ་ ༢༠༢༥ ཟླ་ ༧ པའི་ཚེས་ ༧ ཉིན་གྱི་སྔ་དྲོ་ཆུ་ཚོད་ ༡༡།༠༠ ཐོག་དཔལ་ལྡན་བོད་མི་མང་སྤྱི་འཐུས་ཚོགས་གཞོན་སྒྲོལ་མ་ཚེ་རིང་མཆོག་གིས་ཚོགས་གཞོན་ལས་ཁུངས་སུ་རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་འཇར་མན་གཞུང་ཚབ་ཀྱི་དཔལ་འབྱོར་དང་རྒྱལ་སྤྱིའི་ལས་དོན་གྱི་འགན་འཛིན་སྐུ་ཞབས་ཨེ་ལེ་ཛན་ཌར་ ཀེ་ལི་གྷ་རཱོ་ (Alexandre Callegaro, Minister Counsellor Head of Economic and Global Affairs, Germany Emabassy, Delhi) མཆོག་གིས་གཙོས་པའི་འཇར་མན་རོགས་ཚོགས་ (FNF) ཡི་སྐུ་ཚབ་ཚོགས་ཆུང་ཞིག་དང་ལྷན་མཇལ་འཕྲད་གནང་སོང་། སྐབས་དེར་དཔལ་ལྡན་ཚོགས་གཞོན་མཆོག་གིས། འཇར་མན་རོགས་ཚོགས་…

རྒྱལ་སྤྱིའི་བོད་ཀྱི་གཞོན་སྐྱེས་ཚོགས་ཆེན་ཐེངས་གསུམ་པའི་མཇུག་བསྡོམས་མཛད་སྒོའི་ཐོག་དཔལ་ལྡན་ཚོགས་གཙོ་མཆོག་སྐུ་མགྲོན་གཙོ་བོར་ཆེད་ཕེབས་ཀྱིས་གསུང་བཤད་གནང་བ།

༄༅། །ཕྱི་ལོ་ ༢༠༢༥ ཟླ་ ༧ པའི་ཚེས་ ༥ ཉིན་གྱི་ཕྱི་དྲོ་བཞུགས་སྒར་རྡ་རམ་ས་ལ་འཛིན་སྐྱོང་སྦྱོང་བརྡར་བསྟི་གནས་ཁང་དུ་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱིས་གོ་སྒྲིག་ཞུས་པའི་ཉིན་གྲངས་གསུམ་རིང་གི་རྒྱལ་སྤྱིའི་བོད་ཀྱི་གཞོན་སྐྱེས་ཚོགས་ཆེན་ཐེངས་གསུམ་པ་མཇུག་བསྒྲིལ་གནང་སོང་། སྐབས་དེའི་མཇུག་བསྡོམས་མཛད་སྒོའི་སྐུ་མགྲོན་གཙོ་བོར་དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་དང་། གཞན་ཕྱི་དྲིལ་དྲུང་འཕར་བསྟན་འཛིན་ལེགས་བཤད་ལགས་དང་། ཕྱི་དྲིལ་ལས་ཁུངས་ཀྱི་ཟུང་དྲུང་དང་བོད་དོན་ཞུ་གཏུག་ཚན་པའི་འགན་འཛིན་འབྲུག་བསྟན་སྐྱིད་ལགས། རྒྱལ་ཁབ་ཁག་མི་འདྲ་བ་ ༡༥ ཙམ་ནས་ཕེབས་པའི་ཚོགས་བཅར་བ་གཞོན་སྐྱེས་ ༩༥ ཙམ་ཚང་འཛོམས་ཐོག་མཇུག་བསྡོམས་མཛད་སྒོ་ཚོགས་སོང་། མཛད་སྒོའི་སྐུ་མགྲོན་གཙོ་བོར་དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཆོག་གིས་གསུང་བཤད་གནང་དོན། རྩ་བའི་རྣམ་པ་ཚོ་ཉིན་གྲངས་གསུམ་རིང་ཚོགས་པའི་ཚོགས་འདུའི་བརྗོད་གཞི་ནང་དོན་གལ་ཆེ་བ་གཅིག་དེ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་དགུང་ལོ་ ༡༦ ནས་ད་བར་བོད་བསྟན་སྲིད་ཀྱི་ཆེད་དུ་སྐུ་ངལ་གང་བསྐྱོན་པའི་ཐོག་ཤེས་རྟོགས་ཡོང་ཐབས་རེད་འདུག་པས། རྣམ་པ་ཚོས་དེའི་ཐོག་རྒྱུས་ཡོད་འདྲ་པོ་ཆགས་ཡོད་རེད་བསམས་ཀྱི་འདུག ང་ཚོ་བོད་ཀྱི་ཆབ་སྲིད་དང་། རིག་གཞུང་། དཔལ་འབྱོར་གང་ཅིའི་ཐད་ལ་མིག་དཔེ་བལྟ་ས་དེ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་༧སྐུའི་མཛད་འཕྲིན་ཆགས་བསྡད་ཀྱི་ཡོད་རེད། རྒྱལ་སྤྱིའི་ནང་ལོགས་ལ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དང་། བོད་དོན་གཉིས་ངོ་བོ་དབྱེར་མེད་འདྲ་པོར་ངོས་འཛིན་བྱེད་ཀྱི་ཡོད་པ་ལྟར་རྣམ་པ་ཚོ་གཞོན་སྐྱེས་ཚོའི་ནང་ལའང་དེ་ལྟར་བསམ་བློ་སྐྱེ་ཐུབ་པ་ཡིན་ན། མ་འོངས་པར་སོ་སོའི་མི་ཚེའི་ནང་བོད་ཀྱི་ཆབ་སྲིད་དང་། རིག་གཞུང་། དཔལ་འབྱོར་གྱི་ལས་དོན་ཐོག་ཕྱག་ལས་གནང་རྒྱུར་ས་བོན་ནམ་གཞི་རྩ་གལ་ཆེན་པོ་ཞིག་ཆགས་ཀྱི་རེད། དེའི་ཐོག་ནས་རྣམ་པ་ཚོས་ཉིན་གྲངས་གསུམ་རིང་ལ་སོ་སོས་གསན་པ་ཙམ་མ་ཡིན་པར།…

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༩༠ ལ་ཕེབས་པའི་༸སྐུའི་འཁྲུངས་སྐར་མཛད་སྒོའི་ཉིན་ བོད་མི་མང་སྤྱི་འཐུས་ལྷན་ཚོགས་ཀྱི་གསུང་བཤད།

༄༅། །ལྷར་བཅས་སྲིད་ཞིའི་གཙུག་རྒྱན་བོད་ཀྱི་ལྷ་སྐལ་སྤྱན་རས་གཟིགས་དབང་མིའི་གཟུགས་སུ་བྱོན་པ། ཁམས་གསུམ་ཆོས་ཀྱི་རྒྱལ་པོ། འཇིག་རྟེན་ཞི་བདེའི་དེད་དཔོན། ས་སྟེང་༸རྒྱལ་བསྟན་ཡོངས་རྫོགས་ཀྱི་མངའ་བདག བོད་མི་ཡོངས་ཀྱི་མགོན་སྐྱབས། བླ་ན་མེད་པའི་དབུ་འཁྲིད། སྤྱི་ནོར་༸གོང་ས་༸སྐྱབས་མགོན་༸རྒྱལ་བའི་དབང་པོ་དོན་གྱི་སླད་དུ་མཚན་དངོས་ནས་སྨོས་ན་རྗེ་བཙུན་འཇམ་དཔལ་ངག་དབང་བློ་བཟང་ཡེ་ཤེས་བསྟན་འཛིན་རྒྱ་མཚོ་སྲིད་གསུམ་དབང་སྒྱུར་མཚུངས་པ་མེད་པའི་སྡེ་དཔལ་བཟང་པོ་མཆོག་དགུང་གྲངས་ ༩༠ ལ་ཕེབས་པའི་དེ་རིང་དམིགས་བསལ་གྱི་ཉིན་མོ་ཁྱད་འཕགས་ཅན་འདིར་བོད་མི་རྩམ་ཟན་པ་ཡོངས་ཀྱི་ཚབ་ཞུས་ཏེ་དགའ་དད་སྤྲོ་གསུམ་གྱི་འཚམས་འདྲི་དང་བཀྲ་ཤིས་བདེ་ལེགས་ཞུ་རྒྱུ་ཡིན། དེ་ཡང་བོད་ཤིང་ཕག་ཕྱི་ལོ་ ༡༩༣༥ ཟླ་ ༧ ཚེས་ ༦ ཉིན་བོད་ཤར་ཕྱོགས་མདོ་སྨད་ཙོང་ཁའི་ཡུལ་སྟག་འཚེར་གྲོང་ཚོར་སྐུ་བལྟམས་པའི་ཁྱེའུ་ལྷ་མོ་དོན་གྲུབ་མཆོག་ནི། ༸རྒྱལ་དབང་སྐུ་ཕྲེང་གོང་མའི་མཛད་འཕྲིན་འཕྲོ་སྐྱོང་ཆེད་བསམ་བཞིན་སྐྱེ་བར་བཞེས་ཤིང་རྟགས་དང་མཚན་མ། དེ་བཞིན་བོད་ཀྱི་ལྷ་མོའི་བླ་མཚོའི་ནང་ཤར་བའི་མཚོ་གཟིགས་ལུང་བསྟན། གཙོ་བོ་ཁྱེའུ་གང་ཉིད་ཀྱི་སྔོན་གནས་རྗེས་སུ་དྲན་པའི་མཛད་སྤྱོད་ལས་ཡང་སྲིད་འཁྲུལ་མེད་གཏན་འཁེལ་ཞིང་བོད་གཞུང་ནས་ཡང་སྲིད་འཁྲུལ་བྲལ་ལ་ངོས་འཛིན་གྱིས་རྒྱལ་ས་ལྷ་སར་གདན་འདྲེན་ཞུས་ཏེ་ཕྱི་ལོ་ ༡༩༤༠ ཟླ་ ༢ ཚེས་ ༢༢ ཉིན་ཕོ་བྲང་པོ་ཏ་ལའི་གསེར་ཁྲིར་མངའ་གསོལ་ཞུས། ཕྱི་ལོ་ ༡༩༤༩ ལོ་མཇུག་ཙམ་ནས་རྒྱ་ནག་དམར་པོའི་གཞུང་གིས་བོད་ས་བཙན་བཟུང་གི་བྱ་སྤྱོད་འགོ་བརྩམས་པས། ཞི་བདེར་དགའ་བའི་བོད་འབངས་རྣམས་གློ་བུར་དུ་དམག་འཁྲུག་གི་ཉེན་ཁའི་ནང་ལྷུང་།…

དཔལ་ལྡན་ཚོགས་གཙོ་མཆོག་བོད་མིའི་ཆོས་ཚོགས་ཐེངས་ ༡༥ པའི་མཇུག་བསྡོམས་མཛད་སྒོའི་ཐོག་སྐུ་མགྲོན་གཙོ་བོར་ཆེད་ཕེབས་ཀྱིས་གསུང་བཤད་གནང་བ།

༄༅། །ཕྱི་ལོ་ ༢༠༢༥ ཟླ་ ༸ པའི་ཚེས་ ༤ ཉིན་རྒྱབ་བཞུགས་སྒར་རྡ་རམ་ས་ལ་༸གོང་ས་༸ཏཱ་ལའི་བླ་མ་དཔེ་མཛོད་དང་ཡིག་ཚགས་ཁང་གི་ཚོགས་ཁང་དུ་བོད་མིའི་སྒྲིག་འཛུགས་ཆོས་རིག་ལས་ཁུངས་ནས་ཉིན་གྲངས་གསུམ་རིང་གོ་སྒྲིག་ཞུས་པའི་བོད་མིའི་ཆོས་ཚོགས་ཐེངས་ ༡༥ པ་དེ་བཞིན་རྒྱལ་ཁའི་ངང་མཇུག་བསྒྲིལ་གནང་སོང་། སྐབས་དེའི་མཇུག་བསྡོམས་མཛད་སྒོའི་ཐོག་སྐུ་མགྲོན་གཙོ་བོ་དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་གསུང་བཤད་གནང་དོན། འགྲོ་བ་ལྷ་དང་བཅས་པའི་མགོན་སྐྱབས་མཚུངས་ཟླ་མ་མཆིས་པ། ལྷར་བཅས་སྲིད་ཞིའི་གཙུག་རྒྱན། ཁམས་གསུམ་ཆོས་ཀྱི་རྒྱལ་པོ། བོད་མི་ཡོངས་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་སྒོ་གསུམ་གུས་ཕྱག་སྔོན་དུ་ཕུལ་བའི་ཐོག་ནས། དེ་རིང་བཙན་བྱོལ་བོད་མིའི་ཆོས་ཚོགས་ཐེངས་ ༡༥ པའི་ཐོག་ལ་ཆིབས་བསྒྱུར་སྐྱོང་མཁན་མཁན་སྤྲུལ་བླ་སློབ་ལས་སྣེ་རྣམ་པ་དང་། དཔལ་ལྡན་སྲིད་སྐྱོང་དང་ཆོས་རིག་བཀའ་བློན་གཅིག་ལྕོགས་སྤེན་པ་ཚེ་རིང་མཆོག འབྲེལ་ཡོད་ཆོས་རིག་ལས་ཁུངས་ཀྱི་ལས་བྱེད་རྣམ་པ་དང་། འདིར་ཕེབས་པའི་གནད་ཡོད་མི་སྣ་ཚང་མར་ཐོག་མར་བོད་མི་མང་སྤྱི་འཐུས་ལྷན་ཚོགས་ཀྱི་ཚབ་དང་། སྒེར་ངོས་ནས་འཚམས་འདྲིའི་བཀྲ་ཤིས་བདེ་ལེགས་ཞུ་རྒྱུ་ཡིན། དེ་རིང་ཆོས་ཚོགས་ཐེངས་ ༡༥ པ་དེ་དམིགས་བསལ་གྱི་དུས་ཚོད་ཅིག་ལ་འཁེལ་བསྡད་ཡོད་པ་རེད། ཆོས་ཚོགས་ཐེངས་དང་པོ་དེ་བཞིན་ཕྱི་ལོ་གཅིག་སྟོང་དགུ་བརྒྱ་དྲུག་ཅུ་རེ་གྲངས་ནང་ལ་ཐོག་མར་ཚོགས་པ་ནས་བཟུང་ད་ཆ་ཆོས་ཚོགས་ཐེངས་ ༡༥ བར་ཚོགས་ཐུབ་པ་བྱུང་ཡོད་རེད། ཐེངས་འདིའི་ཆོས་ཚོགས་ཐེངས་ ༡༥…

༧དཔལ་རྒྱལ་བའི་དབང་པོ་ཀརྨ་པ་མཆོག་གི་སྐུ་ཚབ་འབོ་དཀར་མཁན་ཆེན་བློ་གྲོས་དོན་ཡོད་རིན་པོ་ཆེ་མཆོག་བཞུགས་སྒར་རྡ་རམ་ས་ལར་ཞབས་སོར་བདེ་བར་འཁོད་སྐབས་བོད་མི་མང་བཀའ་བརྒྱུད་སྤྱི་འཐུས་ཀུན་དགའ་བསོད་སྟོབས་མཆོག་དང་ཆོས་རིག་དྲུང་ཆེ་སོགས་ནས་སྣེ་ལེན་ཕེབས་བསུ་ཞུས་པ།

༄༅། །ཕྱི་ལོ་ ༢༠༢༥ ཟླ་ ༧ པའི་ཚེས་ ༤ ཉིན་གྱི་ཕྱི་དྲོར་སྒྲུབ་བརྒྱུད་བསྟན་པའི་མངའ་བདག་༧དཔལ་རྒྱལ་བའི་དབང་པོ་ཀརྨ་པ་མཆོག་གི་སྐུ་ཚབ་འབོ་དཀར་མཁན་ཆེན་བློ་གྲོས་དོན་ཡོད་རིན་པོ་ཆེ་མཆོག་བཞུགས་སྒར་རྡ་རམ་ས་ལར་ཞབས་སོར་བདེ་བར་འཁོད་གནང་བ་དང་། སྐབས་དེར་བོད་མི་མང་བཀའ་བརྒྱུད་སྤྱི་འཐུས་ཀུན་དགའ་བསོད་སྟོབས་མཆོག་དང་། ཆོས་རིག་ལས་ཁུངས་ཀྱི་དྲུང་ཆེ། མཚུར་སྒར་བླ་བྲང་། ཆོས་ཚོགས་ཐེངས་བཅོ་ལྔར་ཕེབས་པའི་ཀཾ་ཚང་དགོན་སྡེ་ཁག་གི་སྐུ་ཚབ་བཅས་ནས་གཞུང་འབྲེལ་སྣེ་ལེན་ཕེབས་བསུ་ཞུས་གནང་ཡོད། གཞི་རྩའི་རིན་པོ་ཆེ་མཆོག་སང་ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་བོད་མིའི་སྒྲིག་འཛུགས་ནས་བོད་གཞིས་བྱེས་ལྷ་མི་ཡོངས་ཀྱི་ཚབ་ཞུས་ཏེ་བརྟན་བཞུགས་བསྟར་འབུལ་སྐབས་དང་། ཕྱི་ཟླ་ ༧ པའི་ཚེས་ ༦ ཉིན་གཞུང་འབྲེལ་༧སྐུའི་གོ་སྟོན་སྲུང་བརྩིའི་མཛད་སྒོ་བཅས་ཀྱི་སླད་བཞུགས་སྒར་རྡ་རམ་ས་ལར་ཆིབས་བསྒྱུར་བཀའ་དྲིན་བསྐྱངས་ཡོད་པ་བཅས།

དཔལ་ས་སྐྱའི་༧སྐྱབས་རྗེ་འཁོན་གདུང་ཨ་བི་ཀྲྀ་ཏ་བཛྲ་རིན་པོ་ཆེ་མཆོག་བཞུགས་སྒར་རྡ་རམ་ས་ལར་ཆིབས་སྒྱུར་སྐྱོང་སྐབས་བོད་མི་མང་ས་སྐྱའི་སྤྱི་འཐུས་སློབ་དཔོན་ཐུབ་བསྟན་རྒྱལ་མཚན་མཆོག་གིས་ཕེབས་བསུ་སྣེ་ལེན་ཞུས་པ།

  ༄༅། ། ཕྱི་ལོ་ ༢༠༢༥ ཟླ་ ༧ ཚེས་ ༤ ཉིན་རྒྱབ་དཔལ་ས་སྐྱའི་༧སྐྱབས་རྗེ་འཁོན་གདུང་ཨ་བི་ཀྲྀ་ཏ་བཛྲ་རིན་པོ་ཆེ་མཆོག་རྒྱ་གར་རྒྱལ་ས་ལྡི་ལི་ནས་བཞུགས་སྒར་རྡ་རམ་ས་ལར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༧སྐྱབས་མགོན་ཆེན་པོ་མཆོག་ལ་གཞུང་འབྲེལ་བརྟན་བཞུགས་བསྟར་འབུལ་སྐབས་དང་། ༧སྐུའི་འཁྲུངས་སྐར་དངོས་གཞི་བཅས་ཀྱི་མཛད་སྒོའི་ཆེད་དུ་ཆིབས་བསྒྱུར་བཀའ་དྲིན་བསྐྱངས་ཤིང་། སྐབས་དེར་བོད་མི་མང་ས་སྐྱའི་སྤྱི་འཐུས་སློབ་དཔོན་ཐུབ་བསྟན་རྒྱལ་མཚན་མཆོག་གིས་རྡ་ཤོད་སྤྱི་སྤྱོད་རླངས་འཁོར་བབས་ཚུགས་སུ་ཆེད་ཕེབས་ཀྱིས་གཞུང་འབྲེལ་ཕེབས་བསུ་སྣེ་ལེན་ཞུས་གནང་ཡོད་པ་བཅས།

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བོད་མིའི་ཆོས་ཚོགས་ཐེངས་ ༡༥ པའི་ཐོག་སྩལ་བའི་༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས།

༄༅། །ཀུན་གྱིས་བློ་མངའ་བཞིན། ཕྱི་ལོ་ ༢༠༡༡ ཟླ་ ༩ ཚེས་ ༢༤ ལ་བོད་བརྒྱུད་ནང་བསྟན་གྱི་བླ་ཆེན་ཁག་གི་ཚོགས་འདུར་གོ་བསྡུར་དང་འབྲེལ། གཞིས་བྱེས་བོད་མིས་མཚོན་བོད་བརྒྱུད་ནང་བསྟན་གྱི་རྗེས་འཇུག་ཀུན་དང་། བོད་དང་བོད་མིར་འབྲེལ་ཆགས་འཇིག་རྟེན་སྐྱེ་འགྲོ་ཡོངས་ལ་བཟློ་བའི་ངོས་ཀྱི་བསྒྲགས་གཏམ་གྱི་ནང་ “ འབྱུང་འགྱུར་ཏཱ་ལའི་བླ་མའི་སྐུ་ཕྲེང་རྒྱུན་མཐུད་དགོས་མིན་དད་ལྡན་མང་ཚོགས་ཀྱིས་ཐག་གཅོད་དགོས་པའི་གསལ་བསྒྲགས་ཕྱི་ལོ་ ༡༩༦༩ ཙམ་ནས་བྱས་ཟིན་ ” ཚུལ་དང་། ཡང་ “ ངོས་རང་རྗེ་དགེ་འདུན་གྲུབ་ཀྱི་དགུང་གྲངས་ཙམ་དུ་སོན་སྐབས་ཆོས་བརྒྱུད་བླ་ཆེན་ཁག་དང་བོད་མིས་མཚོན་འབྲེལ་ཡོད་དད་ལྡན་མང་ཚོགས་ལ་གོ་བསྡུར་གྱིས་༸རྒྱལ་དབང་སྐུ་ཕྲེང་རྒྱུན་མཐུད་དགོས་མིན་བསྐྱར་ཞིབ་དང་ཐག་གཅོད་བྱེད་འཆར་ཡིན། ” ཞེས་གསལ་བ་ལྟར། བར་སྐབས་འདི་ནས་དད་ལྡན་མང་ཚོགས་ལ་དམིགས་བསལ་གོ་བསྡུར་བྱ་རྒྱུ་མ་བྱུང་རུང་། འདས་པའི་ལོ་ངོ་བཅུ་བཞིའི་རིང་ཆོས་བརྒྱུད་ཁག་གི་དབུ་འཁྲིད་བླ་ཆེན་རྣམ་པ་དང་། བོད་མིའི་སྒྲིག་འཛུགས་ཀྱི་འཐུས་ཚོགས་དང་དམིགས་བསལ་ཚོགས་ཆེན། འཛིན་སྐྱོང་དང་གཞུང་འབྲེལ་མིན་པའི་ཚོགས་པ་ཁག ཧི་མ་ལ་ཡའི་རི་རྒྱུད། ཆེན་པོ་ཧོར་དང་རུ་སུའི་ཁོངས་ཀྱི་ནང་པའི་ཡུལ་དགོན། རྒྱ་ནག་སྐམ་ས་སོགས་ཀྱི་རྒྱ་རིགས་དང་ཨེ་ཤ་ཡའི་ནང་པའི་རྒྱལ་ཁབ་ཁག་གི་དད་ལྡན་མི་མང་བཅས་ནས་དང་བླང་གིས་༸རྒྱལ་དབང་སྐུ་ཕྲེང་རྒྱུན་མཐུད་དགོས་པའི་མངོན་འདོད་རྒྱུ་མཚན་དང་སྦྲགས་ཏེ་ཡིག་ཐོག་ནས་ཞུ་སྐུལ་ནན་པོ་བྱུང་བ་དང་། ལྷག་པར་དུ་གཞིས་ལུས་བོད་མི་སྤྱི་སྒེར་མང་པོས་ཐབས་ལམ་སྣ་ཚོགས་བརྒྱུད་དེ་ཡིག་ངག་གཉིས་ཐོག་ནས་རེ་སྐུལ་སྔ་རྗེས་འབྱོར་བ་ལྟར།…

འཕགས་བོད་འབྲེལ་མཐུད་ཚོགས་པའི་འགན་འཛིན་ལྷན་ཚོགས་ཀྱི་ཚོགས་ཆེན་མཇུག་བསྡོམས་མཛད་སྒོའི་ཐོག་སྤྱི་འཐུས་དབང་འདུས་རྡོ་རྗེ་མཆོག་སྐུ་མགྲོན་གཙོ་བོར་ཆེད་ཕེབས་གནང་བ།

  ༄༅། ། ཕྱི་ལོ་ ༢༠༢༥ ཟླ་ ༦ པའི་ཚེས་ ༢༩ ཉིན་གྱི་ཕྱི་དྲོ་ཆུ་ཚོད་ ༣།༠༠ པའི་ཐོག་རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་ཤན་ཏི་ གྱན་ ནི་ཀེ་ཏན་ (Shanti Gyan Niketan School) སློབ་གྲྭར་འཕགས་བོད་འབྲེལ་མཐུད་ཚོགས་པའི་འགན་འཛིན་ལྷན་ཚོགས་ཀྱི་ཚོགས་ཆེན་གྱི་མཇུག་བསྡོམས་མཛད་སྒོ་ཚོགས་ཏེ། ཉིན་གྲངས་གཉིས་རིང་གི་ཚོགས་ཆེན་མཇུག་བསྒྲིལ་བ་དང་། སྐབས་དེར་རྒྱ་གར་མངའ་སྡེ་ཁག་མི་འདྲ་བ་ ༢༢ ནས་ཚོགས་བཅར་བ་འཕགས་བོད་འབྲེལ་མཐུད་ཚོགས་པའི་ཚོགས་མི་ ༡༥༠ ལྷག་མཉམ་ཞུགས་གནང་ཡོད་འདུག སྐབས་དེའི་མཇུག་བསྡོམས་མཛད་སྒོའི་སྐུ་མགྲོན་གཙོ་བོར་བོད་མི་མང་སྤྱི་འཐུས་དབང་འདུས་རྡོ་རྗེ་མཆོག་གདན་ཞུས་ལྟར་ཆེད་ཕེབས་ཀྱིས་ཐོག་མར་ཚོགས་ཆེན་ཐོག་ཕེབས་པའི་གནད་ཡོད་སྐུ་མགྲོན་རྣམ་པར་འཚམས་འདྲིའི་མཇལ་དར་དང་། དེ་རྗེས་ཤན་ཏི་ གྱན་ ནི་ཀེ་ཏན་སློབ་གྲྭའི་ཐོག་ནས་སྤྱི་འཐུས་མཆོག་ལ་རྒྱ་གར་ཧིན་དུའི་འཚམས་ཞུའི་མཇལ་དར་དང་། དྲན་རྟེན་ཕྱག་རྟགས་ཕུལ་འདུག…

སྟག་ལུང་༧སྐྱབས་མགོན་གྭ་ཟི་ཁྲི་འཛིན་ཞབས་དྲུང་རིན་པོ་ཆེ་བསྟན་འཛིན་འགྱུར་མེད་ཆོས་ཀྱི་དབང་ཕྱུག་རིན་པོ་ཆེ་མཆོག་བཞུགས་སྒར་རྡ་རམ་ས་ལར་ཆིབས་སྒྱུར་བཀའ་དྲིན་བསྐྱངས་པ།

༄༅། ། ཕྱི་ལོ་ ༢༠༢༥ ཟླ་ ༦ ཚེས་ ༣༠ ཉིན་མཉམ་མེད་དྭགས་པོ་བཀའ་བརྒྱུད་ཀྱི་བསྟན་བདག་བླ་ཆེན་སྟག་ལུང་༧སྐྱབས་མགོན་གྭ་ཟི་ཁྲི་འཛིན་ཞབས་དྲུང་རིན་པོ་ཆེ་བསྟན་འཛིན་འགྱུར་མེད་ཆོས་ཀྱི་དབང་ཕྱུག་རིན་པོ་ཆེ་མཆོག བོད་མིའི་སྒྲིག་འཛུགས་ནས་༸གོང་ས་སྐྱབས་མགོན་ཐམས་ཅད་མཁྱེན་པ་རྒྱལ་དབང་བསྟན་འཛིན་རྒྱ་མཚོ་མཆོག་ལ་གཞུང་འབྲེལ་བརྟན་བཞུགས་དང་། སྐུའི་འཁྲུངས་སྐར་དངོས་གཞིའི་མཛད་སྒོར་ཆིབས་བསྒྱུར་བཀའ་དྲིན་བསྐྱང་སྐབས། བོད་མི་མང་བཀའ་བརྒྱུད་སྤྱི་འཐུས་བསྟན་པ་ཡར་འཕེལ་མཆོག་དང་། བོད་མིའི་སྒྲིག་འཛུགས་ཀྱི་དབུས་འོས་བསྡུའི་དྲུང་ཆེ་བློ་བཟང་ཆོས་གྲགས་ལགས་བཅས་བཞུགས་སྒར་རྡ་རམ་ས་ལ་ནས་ཀང་རར་གཞུང་འབྲེལ་ཕེབས་བསུ་ཆེད་བཅར་ཞུས་ཏེ་བཞུགས་སྒར་དུ་ཞབས་སོར་བདེ་བར་འཁོད་གནང་ཡོད་པ་བཅས།། https://chithu.org/wp-content/uploads/2025/06/5DaacuN.mp4 https://chithu.org/wp-content/uploads/2025/06/30_G_WJu.mp4