མིང༌། རྡོ་རྗེ་ཚེ་བརྟན།

༄༅། །རྡོ་རྗེ་ཚེ་བརྟན་ནི། བཙན་བྱོལ་བོད་མིའི་ན་གཞོན་འགོ་ཁྲིད་ཅིག་ཡིན། ཁོང་གིས་ལོ་བཅུའི་རིང་རྒྱལ་སྤྱིའི་ཐོག་བོད་དོན་ངོ་སྤྲོད་བྱས་ཏེ། རྒྱ་གར་གཙོས་རྒྱལ་སྤྱིའི་ནང་ནས་མཐོ་རིམ་སློབ་མ་གཙོས་བོད་དོན་རྒྱབ་སྐྱོར་བ་མང་པོ་བཙལ་ཡོད། གླིང་ཕྲན་བཞིའི་རྒྱལ་ཁབ་བཅུ་ལྷག་གི་ནང་སྐོར་བསྐྱོད་བྱས་ཏེ་རྒྱལ་སྤྱིའི་མི་མང་ཁྲོད་དུ་བོད་དོན་ཞི་བའི་འཐབ་རྩོད་བྱེད་སྟངས་སྐོར་ངོ་སྤྲོད་དང་། ལས་འགུལ་སྤེལ་ཕྱོགས་ལ་སྦྱོང་བརྡར་སྤྲད་པ། གཏམ་བཤད་སྤེལ་བ་སོགས་བྱས་ཏེ། བོད་དོན་ཆེད་དོན་ཕན་ལྡན་པའི་ལས་ཀ་བྱེད་ཐུབ་ཀྱི་ཡོད། རྒྱལ་སྤྱིའི་བོད་རང་བཙན་སློབ་ཕྲུག་ཚོགས་པའི་འགན་འཛིན་བྱེད་བཞིན་པ་དང་། བོད་མི་མང་སྤྱི་འཐུས་སྐབས་ ༡༦ དང་། ༡༧ གཉིས་སུ་འདེམས་ཐོན་བྱུང་ཡོད་པ་བཅས་ཀྱི་ལོ་རྒྱུས་སྙིང་བསྡུས་སུ། །