སྤྱི་འཐུས་ལྷན་ཚོགས་ཀྱི་གྲུབ་ཆ།

བོད་མི་མང་སྤྱི་འཐུས་ལྷན་ཚོགས་འདི་ཚོགས་གཙོ་བགྲེས་གཞོན་གཉིས་དབུ་བཞུགས་ཀྱི་ལྷན་ཚོགས་རྐྱང་པའི་གྲོས་ཚོགས་ཤིག་ཡིན། སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་སྲོལ་རྒྱུན་གྱི་རིན་ཐང་དང་། དེང་དུས་ཀྱི་ལེགས་ཆ་ཟུང་འབྲེལ་གྱི་ལེགས་བཅོས་ཀྱི་འགྱུར་བའི་དགོངས་གཞི་ལ་བརྟེན་ནས་བྱུང་བའི་མང་གཙོའི་ལམ་ལུགས་གསར་གཏོད་ཀྱི་འབད་རྩོལ་ལས་བྱུང་བ་ཡིན།

ད་ལྟའི་སྐབས་བཅུ་དྲུག་པའི་གྲོས་ཚོགས་འདིར་སྤྱི་འཐུས་གྲངས་ ༤༥ ཡོད་ཁོངས་སུ།

ཀ བོད་ཀྱི་ས་ཁུལ་ཆོལ་ཁ་རེ་ནས་འོས་བསྡུ་བྱས་པའི་སྤྱི་འཐུས་ཕོ་མོ་ཁྱད་མེད་བཅུ་རེ།

ཁ རྙིང་མ་དང༌། བཀའ་བརྒྱུད། ས་སྐྱ། དགེ་ལུགས། གཡུང་དྲུང་བོན་བཅས་ལྔ་པོ་རེ་རེ་ནས་འོས་བསྡུ་བྱས་པའི་སྤྱི་འཐུས་གཉིས་རེ།

ག བྱང་ཨ་རི་དང་། ལྷོ་ཨ་རི་ཁུལ་གནས་སྡོད་བོད་མིའི་ཁོངས་ནས་འོས་བསྡུ་བྱས་པའི་སྤྱི་འཐུས་གཉིས།

ང ཡུ་རོབ་དང་། ཨ་ཕི་རི་ཀའི་ཁུལ་གནས་སྡོད་བོད་མིའི་ཁོངས་ནས་འོས་བསྡུ་བྱས་པའི་སྤྱི་འཐུས་གཉིས།

ཅ རྒྱ་བལ་འབྲུག་གསུམ་ཕུད་པའི་ཨེ་ཤི་ཡ་དང་ཨོ་སེ་ཀྲེ་ལེ་ཤི་ཡའི་ཁུལ་གནས་སྡོད་བོད་མིའི་ཁོངས་ནས་འོས་བསྡུ་བྱས་པའི་སྤྱི་འཐུས་གཅིག

Menu