མིང༌། ཐུབ་བསྟན་རྒྱ་མཚོ།

༄༅། །སྤྱི་ལོ ༡༩༨༥ ནས ༡༩༩༠ བར་དམུ་དགེ་དགོན་དུ་ཕར་ཕྱིན་བར་དུ་སློབ་སྦྱོང་བྱས། སྤྱི་ལོ ༡༩༩༡ ལོར་རྒྱ་གར་ནང་བཙན་བྱོལ་དུ་འབྱོར་རྗེས་སྦིར་སུ་ཇའི་བོད་ཕྲུག་ཁྱིམ་སྡེའི་སློབ་གྲྭར་འགྲིམས་ཏེ་ཨིན་སྐད་ལ་སློབ་སྦྱོང་བྱས། རྗེས་སུ་ཝ་ར་ཎ་སི་མཐོ་རིམ་སློབ་གྲྭར་ལོ་གསུམ་རིང་ལ་བོད་ཀྱི་རིག་གནས་ལ་སློབ་སྦྱོང་བྱས། སྤྱི་ལོ་ ༡༩༩༨ ལོར་ཧྥ་རན་སིར་འབྱོར་ཏེ་སྤྱི་ལོ་ ༢༠༠༢ བར་དུ་ཧྥ་ཡིག་སློབ་སྦྱོང་བྱས་ཏེ་གཞི་རིམ་འཛིན་གྲྭ་བཅུ་གཉིས་པའི་ལག་ཁྱེར་བླངས།  དེ་ནས་ལོ་གསུམ་རིང་ (Sorbonne Universit Paris I)  གཙུག་ལག་སློབ་ཆེན་ཏུ་ཁྲིམས་ལུགས་ཐོག་སློབ་སྦྱོང་བྱས།  སྤྱི་ལོ་ ༢༠༡༡ ནས་ ༢༠༡༥ བར་དུ་ཧྥ་རན་སིའི་རྒྱ་ནག་སྲོལ་རྒྱུན་གསོ་རིག་སློབ་གླིང་དུ་ཀྲུང་དབྱིའི་སྨན་གཞུང་དང་ལག་ཐབས་སྣ་ཚོགས་ལ་སློབ་སྦྱོང་བྱས་ཏེ་སྤྱི་ལོ་ ༢༠༡༥ ནང་སློབ་སྦྱོང་མཐར་ཕྱིན།  སྤྱི་ལོ་ ༢༠༠༣ ནས་ ༢༠༡༥ བར་དུ་ཧྥ་རན་སིའི་བོད་རིགས་ཚོགས་པའི་ཚོགས་གཙོའི་འགན་འཁུར་བྱས།  སྤྱི་ལོ་ ༢༠༡༧ ནས་ ༢༠༡༩ བར་ཧྥ་རན་སིའི་མདོ་སྨད་ས་གནས་རྒྱུན་ལས་ཚོགས་གཙོ་བྱས།  བྱམས་བརྩེའི་སློབ་གྲྭའི་འགན་འཛིན་གྱི་ལས་འཁུར་བྱས་མྱོང། ད་ལྟ་སྐབས་ ༡༧ པའི་སྤྱི་འཐུས་ཀྱི་ལས་ཁུར་ཞུ་བཞིན་པ་བཅས་ཀྱི་ལོ་རྒྱུས་སྙིང་བསྡུས་སུ། །

 

Menu