མིང༌། ཐུབ་བསྟན་དབང་ཆེན།

༄༅། །ཐུབ་བསྟན་དབང་ཆེན་ནི་ ༡༩༥༤ ལོར་སྐྱིད་གྲོང་དུ་སྐྱེས།   ༡༩༥༩ ལོར་རྒྱ་གར་ཕྱོགས་སུ་བྲོས་བྱོལ་དུ་སླེབས།    དེ་ནས་ྋགོང་ས་ྋསྐྱབས་མགོན་ཆེན་པོ་མཆོག་དང་བཙན་བྱོལ་བོད་གཞུང་དང་རྒྱ་གར་གཞུང་བཅས་ཀྱི་བཀའ་དྲིན་ལ་བརྟེན་ནས་བོད་གཞུང་གཏན་སློབ་ཌལ་ཧོསེར་སློབ་སྦྱོང་བྱས།   དེ་རྗེས་རྡ་ས་རྣམ་རྒྱལ་གྲྭ་ཚང་ལ་འཛུལ་ཞུགས་ཀྱིས་ནང་ཆོས་ལ་བསླབ་པ་སློབ་གཉེར་ཞུས།   ༡༩༨༢ ལོར་སེ་པན་ནང་པའི་ཆོས་ཚོགས་ཞིག་གི་རེ་འདུན་ལྟར་ཆོས་ཚོགས་ཀྱི་དབྱིན་ཇིའི་སྐད་བསྒྱུར་ཆེད་འབྱོར།  སེ་པན་ནང་གཏན་སྡོད་བྱེད་མཁན་བོད་མི་དང་པོ་དེ་ཆགས་འདུག།   དེ་ནས་ྋགོང་ས་མཆོག་གི་བཀའ་སློབ་ལམ་སྟོན་བཞིན་ ༡༩༩༤ ལོར་༼སེ་པན་བོད་ཀྱི་ཁང་པ་༽ ཞེས་རིག་གཞུང་བསྟི་གནས་ཁང་གསར་འཛུགས་དང་། ྋགོང་ས་མཆོག་ནས་དབུ་འབྱེད་མཛད་སྒོ་བཀའ་དྲིན་བསྐྱངས་གནང་མཛད། སྤྱི་ལོ་ ༢༠༡༡ དང་ ༢༠༡༦ ལོར་སྲིད་སྤྱིའི་འོས་བསྡུ་ཆེན་མོར་ཡུ་རོབ་དང་ཨ་ཕི་རི་ཀའི་སྤྱི་འཐུས་སུ་འོས་འདེམས་བྱུང་བ་དང་འདི་ལོ་ ༢༠༢༡ སྲིད་སྤྱིའི་འོས་བསྡུ་ཆེན་མོར་ཡུ་རོབ་མི་མང་རྣམས་ནས་རེ་བ་དང་ཡིད་ཆེས་ཤུགས་ཆེ་གནང་བར་བརྟེན་བསྐྱར་དུ་སྐབས་ ༡༧ པའི་སྤྱི་འཐུས་སུ་འདེམས་ཐོན་བྱུང་བ་བཅས་ཀྱི་ལོ་རྒྱུས་སྙིང་བསྡུས་སུ། །

Menu