མིང༌། རྒྱལ་ལྡོང་ཕུར་པ་རྡོ་རྗེ།
རྒྱལ་ལྡོང་ཕུར་པ་རྡོ་རྗེ་ནི་ཕྱི་ལོ་ ༡༩༨༩ ལོར་ཁམས་མི་ཉག་ཡུལ་དུ་སྐྱེས། ཆུང་དུས་ནས་ས་གནས་དེ་ག་རུ་སློབ་ཆུང་དང་སློབ་འབྲིང་། དེ་བཞིན་དར་རྩེ་མདོ་རུ་ཡོད་པའི་ཞིང་ཆེན་བོད་ཡིག་སློབ་གྲྭ་བཅས་ནས་བོད་རྒྱ་གཉིས་ཀྱི་རིག་གནས་ལ་སློབ་གཉེར་བྱས་ཏེ་རིག་གནས་རབ་འབྱམས་པ་ཐོན། ༢༠༠༧ ལོར་བཙན་བྱོལ་དུ་བསླེབས་ཏེ་ཐོག་མར་གསོག་སྒར་སློབ་གྲྭར་ཨིན་ཡིག་གཙོ་བོར་སྦྱངས། དེ་ནས་ས་རྭ་མཐོ་སློབ་ཏུ་བོདཀྱི་ལོ་རྒྱུས་གཙོས་པའི་བོད་པའི་རིག་གནས་སྤྱི་ལ་སློབ་མཐར་སོན། ༢༠༡༥ ཟླ་ ༡༠ ཚེས་ ༡ ཉིན་ནས་ ༢༠༡༨ ཟླ་ ༦ ཚེས་ ༣༠ བར་དཔལ་ལྡན་དགའ་ལྡན་ཕོ་བྲང་གི་ལས་འཆར་ཏེ་ཆོལ་གསུམ་ལོ་རྒྱུས་ཆེན་མོའི་ལས་གཞིའི་ཁོངས་ནས་ཁམས་པའི་ལོ་རྒྱུས་ཉམས་ཞིབ་ཁང་གི་ཉམས་ཞིབ་པ་བྱས། ༢༠༡༨ ཟླ་ ༡༠ ཚེས་ ༡༤ ནས་ ༢༠༢༡ ཟླ་ ༦ ཚེས་ ༣༠ བར་ནོར་ཝེ་བོད་ཀྱི་རླུང་འཕྲིན་ཁང་གི་རྒྱ་ཡིག་སྡེ་ཚན་གྱི་གསར་འགོད་པ་དང་རྩོམ་སྒྲིག་པ་བྱས། ༢༠༢༡ ཟླ་ ༥ ཚེས་ ༡༤ ཉིན་བོད་མི་མང་སྤྱི་འཐུས་སྐབས་ ༡༧ པའི་མདོ་སྟོད་ཆོལ་ཁའི་སྤྱི་འཐུས་སུ་འདེམས་ཐོན་བྱུང་བ་བཅས་ལོ་རྒྱུས་སྙིང་བསྡུས་སུ། །