༄༅། ། སྤྱི་འཐུས་ཚོགས་གཞོན་ཨཅྰརྱ་ཡེ་ཤེས་ཕུན་ཚོགས་མཆོག་དང་། སྤྱི་འཐུས་ཚོགས་ཟུར་མཁན་པོ་བསོད་ནམས་བསྟན་འཕེལ་མཆོག་རྣམ་གཉིས་མོན་གྷོ་གཞིས་ཆགས་ནས་ཀོ་ལེ་གྷལ་དོན་ལྡན་གླིང་གཞིས་ཆགས་སུ་དེ་
མཇལ་འཕྲད་སྐབས་བོད་དོན་དང་འབྲེལ་བའི་གནད་དོན་ཐོག་གྲོས་བསྡུར་ལྷུག་པོ་གནང་ཡོད་པ་མ་ཟད། སྐུ་ཞབས་ཨེམ་རུ་ཐ་ ཇོ་ཤི་མཆོག་གིས་ཉེ་ཆར་ལཊ་ཝི་ཡ་རྒྱལ་ས་རི་གར་ཚོགས་པའི་རྒྱལ་སྤྱིའི་གྲོས་ཚོགས་བོད་དོན་རྒྱབ་སྐྱོར་ཚོགས་ཆེན་ཐེངས་བདུན་པའི་སྐོར་དང་། བོད་མིའི་གཞིས་ཆགས་ཁག་གི་སྐོར་ལ་དྲི་བ་ཕུལ་བ་རྣམས་ལ་སྤྱི་འཐུས་རྣམ་པས་ལན་འདེབས་གསལ་བཤད་གནང་ཡོད་འདུག
དེ་བཞིན་སྤྱི་འཐུས་ཚོགས་གཞོན་མཆོག་གིས་ཁོང་གིས་ད་བར་བོད་ཀྱི་བདེན་པའི་འཐབ་རྩོད་ཐོག་རྒྱབ་སྐྱོར་གནང་བར་ཐུགས་རྗེ་ཆེ་ཞུས་གནང་བ་དང་ཆབས་ཅིག རྒྱ་གར་ལྷོ་ཕྱོགས་ནང་བོད་དོན་རྒྱབ་སྐྱོར་ཚོགས་པ་ཚགས་ཚུད་དགོས་པའི་འབོད་སྐུལ་ཞུས་གནང་འདུག